גאולה

אִם כֹּחַ אֲבָנִים כֹּחִי / אִם בַּרְזֶל לְבָבִי?

אֶשָּׂא עֹל אֲמָתִי, וּבְנֵי / אִמִּי נִחֲרוּ בִי!

בַּעְלוֹת עַל לְבָבִי יָמִים / שָׂמַחְתִּי בְחֶלְדִּי

וּכְבוֹד אֵל בְּבֵית עוֹלָמִים / עָמַד לִי לְבַדִּי –

הָהּ, אֵיךְ אֶמְצְאָה תַנְחוּמִים, / כִּי סָר מַחֲמַדִּי?

אֵיךְ אֹהֶל יְשׁוֹבֵב רוּחִי / יַהֵל שָׁם עֲרָבִי?

הָהּ עַל שֶׂה פְזוּרָה הִנֵּה / הִיא טֶרֶף לְלָבִיא?

רַד יוֹמִי וְהֵן אֵיד עוֹלֶה, / מֵאוֹר יֶהְדֳפֵנִי

אֶל חֹשֶׁךְ אֱוִיל וָאֶכְלֶה, / לֹא אֵל יִרְדְּפֵנִי,

נִבְעַתִּי עֲדֵי קוֹל עָלֶה / נִדָּף יִדְּפֵנִי.

אֵלֵךְ מִדְּחִי אֶל דֶּחִי / כִּי פַחִים סְבִיבִי,

נִכְשַׁלְתִּי – עֲדֵי כָל אַבְנֵי / הַשָּׂדֶה יְרִיבִי!

מָלֵאתִי כְלִמּוֹת עוֹלָם / חָסַרְתִּי נְעִימוֹת,

וּמְרֵעִים מְרִיעִים כֻּלָּם / רָאוּ בִי נְקָמוֹת,

כִּי כָלָה שְׁאֵרִי, אוּלָם / נוֹתְרוּ הָעֲצָמוֹת.

נַפְשִׁי אֶשְׁפְּכָה עִם רוּחִי, / אֶתְחַנֵּן לְאָבִי –

אוּלַי אֶל לְבָבִי יִפְנֶה / הַגּוֹאֵל לְהָבִיא.

לתוכן הענינים

לדף הראשי של פרויקט בן-יהודה