_ ספר/י לנו מה שגוי

דואל:

זכרו שאין משמעות למספרי שורה או עמוד בטקסט רציף באינטרנט. אנא ציינו מספר פסקה, ו/או העתיקו כמה מלים סביב כל שגיאה, כדי להקל עלינו למצוא את הטעון תיקון.

רשימת הגהות:

נודיע לך בדואל כשנעיין בהגהות ונתקן את הטקסט.

_ נשמע לשמוע מה אהבת!

דואל:

ההמלצה שלך:

(אנו מפרסמים המלצות ביומן הרשת שלנו)
פרויקט בן-יהודה: בפייסבוק | ב-YouTube
יומן הרשת של פרויקט בן-יהודה

פתאם יצרי אהבים עזבתי / ר' משה אבן עזרא

 

פִּתְאֹם יְצֻרֵי אֹהֲבִים עָזַבְתִּי / תֹּעִים בְּאִישׁוֹן לַֽיְלָה פָּגָּעְתִּי

חַבְלֵי שְׂעִפַּי נִפְרְשׂוּ לָהֶם וּפַח / שֵׁנָה עֲלֵי עֶרֶשׂ דְּוָי הִצָּעְתִּי

אֵיךְ שׁוֹטֲטוּ מִדְבָּר וְאֵיךְ הִתְחַפְּשׂוּ / בַּאְפֵר כְּסוּת לַיִל וְלֹא־יָדָעְתִּי

חִלּוּ פְנֵי עַרְשִׂי בְּלֵיל כֻּלּוֹ עֲדֵי / נֶשֶׁף נְדֻדִים מֵחֳלִי שָׂבָעְתִּי

לָנוּ בְּבֵין שָׁדַי עֲדֵי אֹרוּ פְנֵי / מִזְרָח וּפֶרַע מַאֲפֵל פָּרָעְתִּי

לֹא־נֶאֱחַז לִי מִפְּנֵיהֶם בִּלְעֲדֵי / רֵיחַ צְרוֹר הַמֹּר אֲשֶׁר קָבָעְתִּי

לוּ אֵֽדְעָה כִּי־הַחֲלוֹם יַרְאֶה פְּנֵי / דוֹדַי לְרַגְלֵי הַחֲלוֹם כָּרָעְתִי

אַךְ מָעֲדוּ רַגְלֵי מְשׂוֹשִׂי בַּהֲדֹף / אֹתָם יְדֵי שַׁחַר וְהִתְרוֹעָעְתִּי

וַיְנֹפֲפוּ גִּשְׁמֵי דְמֵי עֵינַי הֲכִי / אֶת־צוּר כְּבֵדִי בַּבְּכִי בָקָעְתִּי

לוּלֵי יְגוֹנִים סָֽגְרוּ אָז בַּעֲדִי / שַׂחְתִּי בְּצוּלַת הַבְּכִי טָבָעְתִּי

מִמַּעֲמַקֵּי הַמְּצוּקִים אֶצְעֲקָה / חָמָס וּמִבֶּטֶן נְדֹד שִׁוָּעְתִּי

לֹא־עָֽרְבָה שֵׁנָה לְרֹאוֹתַי לְמִן / הַיּוֹם אֲשֶׁר מִמַּעֲרָב נָסָעְתִּי

קַצְתִּי בְחַיַּי מִסְּבֹב תֵּבֵל וְגַם / לָמֹד מְמַדֶּיהָ וְלֹא־בִצָּעְתִּי

רֶדֶת תְּהוֹם וַעְלוֹת עֲלֵי־רֹאשׁ בָּמֳתֵי / עָבִים עֲדֵי אֹמַר לְרוֹם הִרְקָעְתִּי

עִם־בַּהֲמוֹת יַעַר הֲלִיכוֹתַי וּמֵ־ / רֹאשׁ הַרֲרֵי־טֶרֶף כְּעוֹף הוֹפָעְתִּי

קַצְוֵי אֲפָסִים כַּבְּרָקִים רוֹצֲצוּ / רַגְלַי וְגַם מִיָּם עֲדֵי־יָם נָעְתִּי

מַסַּע אֲהַלֵּךְ אַחֲרֵי מַסַּע וְלֹא / תַרְתִּי מְנוּחָה לִי וְלֹא־הִרְגָּעְתִּי

יוֹמָם שְׁזָפַנִי מְאוֹר שֶׁמֶשׁ וְלֵיל / עֵינַי בְּפוּךְ הַמַּאֲפֵל קָרָעְתִּי

וּבְכָל־חֲלִיפוֹת הַזְּמָן פָּנַי בְּלִי / מַסְוֶה לְנֶגֶד קֹר וְחֹם הוֹקָעְתִּי

עַד כִּי־לְמַשְׁחִית נֶהֱפַךְ הוֹדִי וְגַם / הִתְנַכְּרוּ פָנַי וְלֹא־נוֹדָעְתִּי

עָבַר זְמָן קָצִיר וְכָלוּ כָל־יְמֵי / קַיִץ וְתַם חֹרֶף וְלֹא־נוֹשָׁעְתִּי

סָפוּ חֳדָשִׁים חָֽלְפוּ שָׁנִים וְלֹא / בָאתִי מְחוֹז חֶפְצִי וְלֹא־הִגָּעְתִּי

נִשְׁכָּח כְּמֵת מִלֵּב אֲנִי אוֹ אִם־כְּלִי / אֹבֵד וְאִם־אֶבֶן בְּיָם שָׁקָעְתִּי

כַּמָּה אֲפַתֶּה אֶת־לְבָבִי בֶּאֱמֹר / יַחֵל וְאֹתוֹ בֶּאֱלִיל הוֹגָעְתִּי

אֶשָּׂא בְשִׁנַּי אֶת־בְּשָׂרִי אֹֽמְרָה / הֶאָח וּבִפְעָמַי בְּעֹז רָקָעְתִּי

לֹא־חָֽמְלָה נַפְשִׁי עֲלֵי נַפְשִׁי וְלֹא / חַסְתִּי עֲלֵי הוֹדִי וְלֹא פָרָעְתִּי

עַל־מִי אֱהִי מַלִּין וְנַפְשִׁי עוֹלֲלָה / צוֹקִי וּבִימִינִי אֲנִי פָצָעְתִּי

כִּי לֹא נְבֻנוֹתִי בְּמוּסַר יֹֽדְעַי / וַעְצַת בְּנֵי־אַהַב מְאֹד פָּרָעְתִּי

כַּמָּה יְעָצֻנִי לְבַל־אֶבְטַח עֲלֵי / בֹגֵד בְּנֶאְמָנָיו וְלֹא שָׁמָעְתִּי

מִי־זֶה יְשִׂיחֵם כִּי לְתֹהוּ תַּם הֲמוֹן / כֹּחִי וְכָל־יָמַי לְרִיק יָגָעְתִּי

אַנְשֵׁי שְׁלוֹמִי שִׁלְּמוּ רָעָה מְקוֹם / טוֹבָה וְשָׂמְחוּ־לִי בְּיוֹם צָלָעְתִּי

אֵיךְ נֶהְפְּכוּ־לִי אֶל־זְמֹרֵי זָר בְּנֵי / שֹׂרֵק וְזֶרַע הָאֱמֶת נָטָעְתִּי

אֵיךְ הֶעֱלוּ קֹצִים שְׂדֵי־חֶמֶד מְקוֹם / חִטֵּי יְדִידֹתַי אֲשֶׁר זָרָעְתִי

הֶאָח עֲלֵי אַחִים אֲשֶׁר בָּגְדוּ כְמוֹ / נַחַל וּפָשְׁעוּ בִי וְלֹא־פָשָׁעְתִּי

נֶעְבָּד לְיָמִים נָֽתְנוּ אֹתִי וְאָז / לָהֶם תְּנוּךְ אֹזֶן זְמָן רָצָעְתִּי

חֶסֶד גְּמַלְתִּים מִבְּלִי תִקְוָה עֲדֵי / לָהֶם הֲטִיבוֹתִי וְלִי הֵרָעְתִּי

וּבְעֵת זְמָן יָצָא לְמִלְחַמְתִּי וְעַד / אֶרֶץ בְּרֹעַ מַעֲשַׂי נִגְדָּעְתִּי

רַצְתִּי בְרַגְלֵי גַאֲוָה לָהֶם וְעֵת / שַׁרְתִּי פְנֵיהֶם זֹעֲפִים נִכְנָעְתִּי

וּלְאָהֳלָם סַרְתִּי נְטוּי גָּרוֹן וְיוֹם / בֹּאִי בְּרֶגֶל בָּֽצְקָה פָּשָׂעְתִּי

חָלוּ לְיוֹם חוּלִי עֲלֵיהֶם כַּאֲשֶׁר / מִמַּהֲתַלּוֹת מִדְבְּרֵיהֶם זָעְתִּי

פִּתּוּ בְשִׁקְרֵיהֶם אֱמוּנָתִי וְעֵין / דֵּעִי לְהַבִּיט פָּעֳלָם הֵשָׁעְתִּי

עַד־נִמְכְּרוּ בִידֵי עֲצַת־כֶּסֶל וְלֹא / לִבָּם הֲנִידֹתִי וְלֹא־הֵנָעְתִּי

בִּגְלַל חֲמָסִי לָֽבְשׁוּ־בֹשֶׁת וּבָהּ / נוֹסְפָה תְהִלָּתִי וְלֹא־נִגְרָעְתִּי

יוֹנִים תְּעוּפֶינָה כְעָב אֶל־מַעֲרָב / אֶתְכֶם בְּחֵי הָאַהֲבָה הִשְׁבָּעְתִּי

לָשֵׂאת שְׁלוֹמִי אֶל־יְדִידִים רָחֲקוּ / אַךְ בֵּין צְלָעַי אָהֳלָם תָּקָעְתִּי

וּתְסַפְּרוּ לָהֶם הֲכִי לִבִּי עֲלֵי / נוּדָם כְּשַׁסַּע הַגְּדִי שִׁסָּעְתִּי

וּדְרֹר אֲשֶׁר קֵן לָהּ בְּצַלְעוֹתַי וּבָהּ / שָׂמַח כְּבוֹד נַפְשִׁי וְהִשְׁתַּעְשָׁעְתִּי

לוּלֵי חֲיוֹתָהּ אֶת־חֲיוֹתִי לֹא אֱהִי / שֹׁאֵל וּבַמָּוֶת לְבַד הִפְגָּעְתִּי

הִנֵּה לְרַגְלָהּ נִלְכְּדָה רַגְלִי בְּפַח / גֵּרוּת כְּתוֹא מִכְמָר וְהִתְגַּלָּעְתִּי

וּלְמַעֲנָהּ בָּאתִי בְּכוּר עֹנִי וְאֶת־ / נַפְשִׁי בְּקֶלַע הַנְּדֹד קִלָּעְתִּי

אָחִי בְּכֵה עִמִּי וְאוֹי לַגֵּר עֲנֵה / כִּי עִם־אֱדוֹם גַּרְתִּי וְנִתְבַּלָּעְתִּי

כֹּה יַעֲשֶׂה־לִּי אֵל וְיוֹסִיף מֵחֲרוֹן / אַפּוֹ עֲלֵי נִגְעֵי זְמָן נֻגָּעְתִּי

אִם־נִשְׁכְּחוּ מִפִּי חֲסָדֶיךָ וְאִם / מִבֵּית לְבָבִי אַהֲבָה הִקְצָעְתִּי

לִבְנַת לְבוּשִׁי מִשְּׁחוֹר עֵינַי עֲלֵי / נוּדְךָ לְאֹרֶךְ הַנְּדֹד צָבָעְתִּי

כַּבְלֵי זְמָן אָסְרוּ פְעָמַי מֵעֲמֹד / אַף כִּי־לְחֶפְצִי מֵהֲלֹךְ נִמְנָעְתִּי

אוֹחִיל וְאוּלַי אֵל יְהִי מֹחֶה בְּמֵי / דִמְעִי מְצוּקַי וַאֲשֶׁר הִרְשָׁעְתִּי

יָחֹן וְרוּחַ חֵן יְהִי מֵעִיר עֲלֵי / נַפְשִׁי וְאֶחְיֶה אַחֲרֵי גָוָעְתִּי.

 

לתוכן הענינים

לדף הראשי של פרויקט בן-יהודה