אוֹתוֹתֶיךָ הַרְאֵה / וְהַשְׁפִּיל גּוֹי כַּבִּיר

אֲשֶׁר אָמְרוּ לִלְשֹׁנֵנוּ נַגְבִּיר:

תה' יב, ה

נֶגֶד עַמְּךָ יוֹדוּ / לֵב הוּתַל הִטָּנוּ

אֲשֶׁר נוֹאַלְנוּ וַאֲשֶׁר חָטָאנוּ:

במד' יב, יא

יִגַּל צֶדֶק עוֹלָמִים / וְיֵרָאֶה לְעַם הוּעַם

אֲשֶׁר יִהְיֶה בְּאַחֲרִית הַזָּעַם:

דנ' ח, יט

מָרוֹם, קְרָא: יוֹנַת אֵלֶם הַשְׁמִיעִנִי קוֹלֵךְ

אֲשֶׁר מֵעוֹלָם שָׁבַרְתִּי עֻלֵּךְ:

ירמ' ב, כ

שׁוּבוּ בָנִים לִנְוֵיהֶם / וַעֲפָרָם יְחֹנֵנוּ

אֲשֶׁר שָׁם צִפֳּרִים יְקַנֵּנוּ:

תה' קד, יז

הוֹפִיעַ שׁוֹכְנִי עֶרֶץ / וּמִמְּךָ יִרְאוּ מִתַי

אֲשֶׁר הָעִיר קִבְרוֹת אֲבֹתַי:

נחמ' ב, ג

בּוּשָׁה תְכַסֶּה צָרַי / וּמִמְּךָ יִירָאוּ

אֲשֶׁר בְּשִׁמְךָ לֹא קָרָאוּ:

ירמ' י, כה

רְעָדָה תֹאחֲזֵם יַחַד / וְרָגְזוּ מוֹנָי

אֲשֶׁר רָאוּ מַעֲשֵׂי אֲדֹנָי:

שופ' ב, ז

יִנּוֹן חֹטֶר יִשַׁי / יִשְׁלַח מִמְּרוֹמוֹ

אֲשֶׁר יָדוֹ תִּכּוֹן עִמּוֹ:

תה' פט, כב

עֻזּוֹ וְאַפּוֹ יָעִיר / עַל אֶצֶר צָרָיו

אֲשֶׁר עַל כֵּן סָרוּ מֵאַחֲרָיו:

איו' לד, כז

קְהַל עַמִּים יִתְיַהֲדוּ / וִיקַבְּלוּ הֲמוֹנֵיהֶם

אֲשֶׁר קִבְּלוּ הַיְּהוּדִים עֲלֵיהֶם:

אס' ט, כז

בַּשּׂר תְּבַשּׂרֵם / כִּי בָּרַח קָרֶץ

אֲשֶׁר בְּיָדוֹ מֶחְקְרֵי אָרֶץ:

תה' צה, ד