וְנָהָר נָהֲרוּ מֵימֵי פְלָגָיו / ר' משה אבן-עזרא

וְנָהָר נָהֲרוּ מֵימֵי פְלָגָיו / לְמוּל עֵינַי וְאֶל עֻמַּת עֲמִיתִי

וְיָנוּע עֲלֵי יָמִין וְלִשְׂמֹאל / כְּמוֹ שִׁכּוֹר וְיִתְרוֹנֵן כְּדָתִי

וְעֵת רוּח עֲלֵי פָנָיו תְּרַחֵף / אֲדַמֶּה כִּי יְשַׂחֵק לַהֲמוֹתִי

שְׁאוֹן מֵימָיו שְׁאוֹן לִבִּי לְרֵעַי / וּמֵי דִמְעִי לְאַנְשֵׁי אַחֲוָתִי

מְיֻדָּעַי הֲכִי רוּחַ תְּרַגֵּל / וְהַנָּהָר מְשַׂחֵק מִבְּכוֹתִי.