מֵאָז מְעוֹן הָאַהֲבָה הָיִיתָ –

חָנוּ אֲהָבַי בַּאֲשֶׁר חָנִיתָ.

תּוֹכְחוֹת מְרִיבַי עָרְבוּ לִי עַל שְׁמֶךָ,

עָזְבַם – יְעַנּוּ אֶת‑אֲשֶׁר עִנִּיתָ.

לָמְדוּ חֲרוֹנְךָ אוֹיְבַי – וָאֹהֲבֵם

כִּי רָדְפוּ חָלָל אֲשֶׁר הִכִּיתָ.

מִיּוֹם בְּזִיתַנִי בְּזִיתִינִי אֲנִי,

כִּי לֹא אֲכַבֵּד אֶת‑אֲשֶׁר בָּזִיתָ –

עַד יַעֲבָר‑זַעַם וְתִשְׁלַח עוֹד פְּדוּת

אֶל‑נַחֲלָתְךָ זֹאת אֲשֶׁר פָּדִיתָ.