צוּרִי, עֲוֹן מִרְיִי סְלַח / וְשַׂגְּבֵנִי,
וּלְחֵיק יְדִיד אָדוֹם וְצַח / תְּשׁוֹבְבֵנִי!
אִם אֶסְכְּלָה – מִצְוָתְךָ / תְחַכְּמֵנִי,
אוֹ אֶאֱבַל – אִמְרָתְךָ / תְּנַחֲמֵנִי,
אַף מִן קָמֵי תּוֹרָתְךָ / תְּרוֹמֲמֵנִי.
עַל מֵי יְשׁוּעָתְךָ שְׁלַח / לְנַהֲלֵנִי
וַהְדָרְךָ רְכַב צְלַח / וְהַעֲלֵנִי!
בּוֹגֵד וְצוֹרֵר יֹאמְרוּ / כִּי קֵץ שְׁבוּתִי
אָרַךְ, וְעַל כֵּן שִׂבְּרוּ / לִשְׁכֹּן בְּבֵיתִי.
רַחְמֵי אֲלֹהִים נִכְמְרוּ / לָחִישׁ פְּדוּתִי.
בֶּן עַבְדְּךָ יִשַׁי מְשַׁח / וְשַׁעְשְׁעֵנִי,
עַד מָה יְהִי שָׁפָל וְשַׁח / מַלְכִּי לְעֵינִי?
רַגְלַי בְּפַחִים נָפְלוּ – / הַתֵּר אֲסוּרִי,
עֵינַי בְּגָלוּת אָפְלוּ - / הָאֵר מְאוֹרִי.
מֶלֶךְ וְכֹהֵן יַעֲלוּ / לִבְנוֹת דְּבִירִי.
מִכּוּשׁ וְחָבוֹר וַחֲלַח / אָנָּא פְדֵנִי,
צָרַי בְּרַגְלֵי אַף דְּלַח / וְעוֹדֲדֵנִי!
מַלְכִּי, בְּפִי וּבְמַעֲנִי / אוֹדֶה שְׁמֶךָ,
כִּי עַל עשֶׁר וְעַל עֳנִי / אֲרוֹמֲמֶךָ.
חֹן עַמְּךָ, וְלִי אֲנִי / רֹב רַחֲמֶיךָ
צַוֵּה לְיָגוֹן נֶאֱלָח / לְשַׁכְּחֵנִי.
אוֹרְךָ וַאֲמִתְּךָ שְׁלַח / לְהַנְחֵנִי!