“לרבי משה ן' עזרא ז”ל"

סימן: משה

יְנֻחָמוּ / יְרֻחָמוּ / בְּנֵי אִישׁ תָּם, רַב אוֹנָם

בְּגָלוּתָם, / בְּבוֹר עֱנוּתָם / דָּם תֵּרַדְנָה עֵינָם –

לְהַצִּילָם / וּלְגָאֳלָם / צִיר אֶשְׁלַח לְמַעֲנָם

כְּהִבְטַחְתִּים / וְנִחַמְתִּים / וְשִׂמַּחְתִּים מִיגוֹנָם:

ירמ' לא, יב

מְנֻדָּחִים / וְנֶאֱנָחִים / הֵם שׁוֹכְחִים אֶת רִבְצָם

מְקֻבָּצִים / וּמַעֲרִיצִים / יְשׁוּבוּן אֶל מְחוֹז חֶפְצָם

בּרֹן יִשְׂאוּ / וְיָבֹאוּ / כִּי מָלְאוּ יְמֵי קִצָּם

לְהוֹשִׁיעַ / לְהַשְׁמִיעַ / לְצִיּוֹן הִנֵּה הִנָּם:

ישע' מא, כז

שְׁבוּת צִיּוֹן / בְּשׁוּב עֶלְיוֹן / לְמִקְדַּשׁ אֵל יָצְאוּ מִשָּׁם

בְּאֶקְדָּחִים / מְפֻתָּחִים / יְכוֹנֵן אֶת מִקְדָּשָׁם

בְּאֵין אֶנְחָה / וּצְוָחָה / וְשִׂמְחַת עוֹלָם עַל רֹאשָׁם

וְצוּר עֻזָּם / וּמָעֻזָּם / מוֹשִׁיעָם וּמָגִנָּם:

(וְ)הַמְרִיצוּ / וְהַעֲרִיצוּ / לְאֵל רָם קְדוֹשׁ יִשְׂרָאֵל

יְנַחֶמְכֶם / יְקַבֶּצְכֶם / אֶל מִקְדַּשׁ הַהַרְאֵל

וּבְנֵי שְׁלֹשָׁה / בִקְדֻשָּׁה / יַקְדִּישׁוּ שֵׁם הָאֵל

כְּאֶרְאֶלִּים / כְּחַשְׁמַלִּים / כְּשִׁנְאַנִּים בִמְעוֹנָם: