לוגו
איך מלאני לבי (תוכחה)
פרק:
מיקום ביצירה:
0%
X
F
U

אֵיךְ מְלָאַנִי לִבִּי / לִטְמֹן עֲוֹנִי בְּחֻבִּי?

עַל זֹאת כֹּחַ אֵין בִּי, / נִשְׁבַּר לִבִּי בְּקִרְבִּי.

בִּי שַׂרְעַפַּי נַעֲנוּ / כִּי לִדְרֹשׁ טוֹב מֵאֲנוּ,

אֲנִי הוּא אֲשֶׁר עָשִׂיתִי / וַאֲשֶׁר הֲרֵעֹתִי.

רְעָדָה מָלְאוּ מָתְנַי / כִּי נִבְהֲלוּ רַעֲיוֹנַי

וּבְלֵב אֵימָה אֶהְגֶּה: / הִסְכַּלְתִּי וָאֶשְׁגֶה.

מַדּוּעַ נִבְעַרְתִּי / וֶאֱמֶת לֹא שָׁמַרְתִּי,

וְלֹא חָשַׁבְתִּי בְתוֹכִי: / לָמָּה זֶה אָנֹכִי?

עֵינַי לֹא פָקַחְתִּי, / וְאֵיכָכָה שָׁכַחְתִּי

יוֹם בּוֹ יָנוּס לֵחִי / וְסָר מִמֶּנִּי כֹחִי?

זַלְעָפָה אֲחָזַתְנִי / וּכְלִמָּה כִּסַּתְנִי –

וַיְהִי כְמַיִם רֹאשִׁי / וָאֶשְׁפֹּךְ אֶת נַפְשִׁי.

רוּחִי פָּחֲדָה, לְדַעְתָּהּ / כִּי בְיַד אֱלֹהִים עִתָּהּ,

וְלַמִּשְׁפָּט יְבִיאֶנָּה / וְאִישׁ לֹא יַצִּילֶנָּהּ.

הַבֵּט, יוֹצְרִי, וּרְאֵה: / אֲנִי עַבְדְּךָ הַנִּכְאֶה,

כְּאַיִן כָּל מַאֲוַיָּי, / זְכֹר כִּי רוּחִי חַיָּי.