לוגו
אל עליון שעה הגיון (פזמון)
מיקום ביצירה:
0%

אֵל עֶלְיוֹן, שְׁעֵה הֶגְיוֹן / עָם בָּאִים עָדֶיךָ!

אֱזֹן רַחְשָׁם / שְׁמַע לַחְשָׁם / מִכִּסֵּא כְבוֹדֶךָ!

לְךָ הַיּוֹם / מְצוֹא פִדְיוֹם / נֶאֱסָפִים יְדִידֶיךָ –

לְמִשְׁפָּטֶיךָ עָמְדוּ הַיּוֹם כִּי הַכֹּל עֲבָדֶיךָ.


בְּרִית הָאָב, / אֲשֶׁר יָאַב / עֲשׂוֹת תָּמִיד רְצוֹנֶיךָ,

וּבֵן נִפְקַד / אֲשֶׁר נֶעֱקַד / בְּמִזְבֵּחַ לְפָנֶיךָ –

זְכָר נָא בְּרִית / וְאַל תַּשְׁבִּית / אֱמוּנַת כָּל בְּחוּנֶיךָ!

זְכֹר לְאַבְרָהָם, לְיִצְחָק וּלְיִשְׂרָאֵל עֲבָדֶיךָ.


רָשַׁעְתִּי / וּפָשַׁעְתִּי / וְאָכַלְתִּי זְכוּת אֲבוֹתָי –

וְאֵין מַעֲשֶׂה / הֱיוֹת מַחְסֶה / בְּיוֹם תִּפְקֹד עֲוֹנוֹתָי.

מְחֹק פִּשְׁעִי, / מְחֵה רִשְׁעִי / וְאַל תִּזְכֹּר חַטֹּאתָי.

זְכֹר, אֲדֹנָי, רַחֲמֶיךָ אֶל עַם סְגֻלָּתֶךָ.


הַאֲזִינָה / וְהָבִינָה / עַם יְיַחֵל יְשׁוּעָתָה,

בְּלֵב זוֹחֵל / לָךְ מְיַחֵל / לְפַתֵּחַ בְּנֵי תְמוּתָה.

אֱזֹר חַיִל / כְּאִישׁ חַיִל / וְקוּמָה נָא לְעֶזְרָתָה,

אֵל, לָנוּ וּפְדֵנוּ נָא לְמַעַן בְּרִיתֶךָ.


מַבְחִינִי / וּמַאֲזִינִי, / הַאֲזִינָה אִמְרָתִי,

מְאֹד תֶּעֱרַב / וְגַם תִּקְרַב / לְפָנֶיךָ רִנָּתִי.

צוּר עֻזִּי / וּמָעֻזִּי, / לְךָ הַיוֹם תְּפִלָּתִי

לְךָ אֲדֹנָי עֵת רָצוֹן אֱלֹהִים בְּרָב חַסְדֶּךָ.