אֱמוּנָתְךָ רַבָּה / לְדוֹר דּוֹרִים בְּלִי חֵלֶף;
הַפְלֵא אוֹת וְסִבָּה / תֹּם דְּרָכֶיךָ לְאַלֵּף
עַם בַּבֹּקֶר בָּא, / וְשִׁחֶרְךָ בְּלִי סָלֶף –
כִּי טוֹב יוֹם בַּ-/חֲצֵרֶיךָ מֵאָלֶף.
בְֶּאֱמֶת שׁוֹבַבְתִּי / וְעָבַרְתִּי דָּתֶךָ,
קִרְבִּי חִשַּׁבְתִּי / לְבַקֵּשׁ סְלִיחָתֶךָ.
הֲשִׁיבֵנִי – וְשַׁבְתִּי / לִכְסֹף לְמִשְׁכְּנוֹתֶיךָ –
יְיָ אָהַבְתִּי / מְעוֹן בֵּיתֶךָ.
רַחֵם גּוֹי נוֹעַד / וּבָא עָדֶיךָ כַּיּוֹם,
וּלְבָבוֹ תִּסְעַד / לְפַחְדּוֹ מִמְּךָ, אָיוֹם.
בְּטוּבְךָ כַּפֵּר בְּעַד / עוֹמֵד לְבַקֵּשׁ פִּדְיוֹם
מִן הָאוֹר עַד / מַחֲצִית הַיּוֹם.
הוֹלְמֵי נַפְשִׁי – הֲלֹם / וְאָיַבְתָּ אֶת אוֹיְבִי
אֲשֶׁר חֵרְפָנִי הֲלֹם / לְפָנֶיךָ בְּהִתְיַצְּבִי,
וּפִי מְדַבֵּר בְּלֹם! / וּתְשַׂמַּח לְבָבִי,
וְשַׁבְתִּי בְשָׁלוֹם / אֶל בֵּית אָבִי.
מִדֵּי הֱיוֹת חֶדְלִי / עָלֶיךָ, אֵל, אָשְׁלֵךְ,
כִּי אַתְּ מוֹעִילִי; / וְעוֹדֶנִּי בְּתוֹךְ פֶּלֶךְ –
גְּאָלֵנִי, גּוֹאֲלִי, / וְיַעֲבֹר לְפָנַי מֶלֶךְ –
שָׂמַחְתִּי בְּאֹמְרִים לִי: / בֵּית יְיָ נֵלֵךְ.