יְפֵה נוֹף2 מְשׂוֹשׂ תֵּבֵל / קִרְיָה לְמֶלֶךְ רָב3
לָךְ נִכְסְפָה נַפְשִׁי / מִפַּאֲתֵי מַעְרָב
הֲמוֹן רַחֲמַי נִכְמָר4 / כִּי אֶזְכְּרָה קֶדֶם
כְּבוֹדֵךְ אֲשֶׁר גָּלָה /וְנָוֵךְ אֲשֶׁר חָרָב
וּמִי יִתְּנֵנִי עַל־ / כַּנְפֵי נְשָׁרִים עַד
אֲרַוֶּה בְדִמְעָתִי / עֲפָרֵךְ וְיִתְעָרָב5
דְּרַשְׁתִּיךְ וְאִם מַלְכֵּךְ / אֵין בָּךְ6 וְאִם בִּמְקוֹם
צֳרִי גִלְעֲדֵךְ נָחָשׁ / שָׂרָף וְגַם עַקְרָב
הֲלֹא אֶת־אֲבָנַיִךְ / אֲחוֹנֵן וְאֶשָּׁקֵם
וְטַעַם רְגָבַיִךְ / לְפִי מִדְּבַשׁ יֶעְרָב