(מחרך)
עַל שֹׁד הֲמוֹנַי / אַכֶּה לְחָיַי,
כִּי מִפְּנֵי צָר / קַצְתִּי בְחָיַי.
אַיֵּה כְבוֹדִי? – / נִמְאָס וְנִרְמָס!
נֶחְמָס יְסוֹדִי, / יִמַּס בְּעֹל מָס.
נִשְׁפַּךְ כְּבֵדִי / מִתּוֹךְ וְחָמָס,
חַיַּי – בְּמוֹתִי, / מוֹתִי – בְּחַיָּי.
בַּת הַשְּׁתַּיִם / נָדֲדָה בְאַרְבַּע,
קוֹרוֹת שְׁתַּיִם / מָצְאָה בְאַרְבַּע,
עָזְבָה שְׁתַּיִם, / דָּבְקָה בְאַרְבַּע –
גָּלְתָה, וְאָרַךְ / קֵץ מָאֲוַיָּי.
רוֹעִים שְׁלֹשָׁה / גָּזְרוּ חֲמִשָּׁה,
כָּתְבוּ שְׁלֹשָׁה / סִפְרֵי חֲמִשָּׁה,
עַל כֵּן שְׁלֹשָׁה / עוֹרְרוּ חֲמִשָּׁה –
אָסְפוּ זְקֵנַי, / כֹּהֲנַי, לְוִיָּי.
מָעוֹן, לְשִׁמְךָ / קַמְתִּי לְשַׁחֵר,
הִנְנִי לְעָבְדָךְ, / אוֹהֵב וּבוֹחֵר,
הַקְשֵׁב לְשַׁוְעִי: / נָא אַל תְּאַחֵר –
נַפְשִׁי הֲלֹא לָךְ / וְנֶפֶשׁ עֲנִיָּי.