וקאל איצֹא

מִי הָעֲדִינָה אֲשֶׁר תִּרְקַע בְּרַגְלֶיהָ / תַּטִּיף וְתִזְרֹק בְּשָׂמִים מִנְּעָלֶיה

עֶדְיֵי חֲרוּזָהּ כְּכוֹכָבִים וּמַרְאֵה דְמוּת / סַהַר וְחַמָּה עֲלֵי קֶשֶׁר כְּלִילֶיהָ

הַחֵן בְּרֹאשָׁהּ וְהַיֹּפִי בְאַפָּהּ וְהֶ־ / הָדָר בְּגוּפָהּ וְהַכָּבוֹד בְּשׁוּלֶיהָ

תַּטֶּה גְרוֹנָהּ כְּאַיֶּלֶת וְתִסֹּב בְּפָ־ / נֶיהָ וְתֵלֵךְ וְלֹא־אֶרְאֶה שְׁבִילֶיהָ

עֵת נָסְעָה מִנְּוֵה דוֹדִים תְּעֹרֵר הֲמוֹן / פַּעְמוֹן מְעִיל אַהֲרֹן מִקּוֹל צְלִילֶיהָ

אָנָּא בְּלֶכְתֵּךְ שְׂאִי שָׁלוֹם לְדוֹדִי בְּשֵׂא־ / תִי תַאֲוָתוֹ יְמֵי תֵבֵל וְלֵילֶיהָ

אִם־הָאֱלֹהִים הֱפִיצַנִי יְעֹרֵר הֲמוֹן / רַחְמָיו וְיָשׁוּר בְּלֵילֶיהָ עֲמָלֶיהָ.