ומן אשעארה אלמחלחלהֿ פי וצף פצֹל אלאגֹתהאד פי טלב אלמגֹד וארתיאד אלכֹלא [ומן שיריו המעודנים בתיאור מעלת המאמצים בחיפוש התהילה ובדרישת הבדידות]
לוּ הָיְתָה נַפְשִׁי מְעַט שֹׁאָלֶת / לֹא־הָֽיְתָה לַיִל וְיוֹם עֹמָלֶת
אֵיךְ אֶעֱלֹז רֵעַי וּבַמָּה אֶעֱלֹץ / הַאִם אֲיַחֵל נִמְשְׁכָה תוֹחָלֶת
הֵן מִדְרֹשׁ חָכְמָה בְּשָׂרִי נֶאֱכַל / וּבְשַׂר אֲחֵרִים אַהֲבָה אֹכָלֶת
לוּ אֶמְצְאָה סִכְלוּת מְעַט כִּי אֵין־לְךָ / מַכָּה אֲנוּשָׁה תַּעֲרֹך אִוֶּלֶת
עַל־כֵּן מְאֹד אִיגַע וְלֹא־אֶרֶף מְעַט / לוּ מָצְאָה יָדִי כְּבוֹד קֹהֶלֶת
אֶפְשַׁט לְבוּשׁ תֵּבֵל וְהַדַּעַת לְבוּשׁ / אוֹר לָֽבְשָׁה אוֹ כִסְּתָה בִתְכֵלֶת
כִּי־מָאֲסָה נַפְשִׁי כְּאִלּוּ נוֹאֲשָׁה / לִי מִמְּצוֹא כָבוֹד וְהִיא נוֹחָלֶת
דַּלְתֵי יְגוֹנִים פָּתְחָה אֵלַי הֲכִי / דַלְתֵי שְׂשׂוֹנִים אַחֲרַי נֹעָלֶת
מַה־לַּאֲנָשִׁים יֹֽאמְרוּ אֵיךְ תֶּאֱהַב / כָּבוֹד אֲשֶׁר יִזַּל כְּרֹאשׁ שִׁבֹּלֶת
הֵן כִּי־תְבַקֵּשׁ מַעֲלוֹת שֶׁנִּבְצְרוּ / בִּדְמֵי בְנֵי־יוֹם חַרְבְּךָ נִגְאָלֶת
אִמְרוּ לְמוֹכִיחַי וּמִנִּי יֶחֱשׁוּ / כִּי־שָמְעָה אָזְנִי דְּבַר בֶּן־פָּלֶת
אִם־הָאֲדָמָה לֹא־תְשִׂימֵנִי לְרֹאשׁ / אֵין הָאֲדָמָה אֹהֲבָהּ מַשְׂכָּלֶת
לוּ יָֽדְעָה מֵאִתְּמוֹל רוּם מַעֲלוֹת / נַפְשִׁי לְרַגְלַי הָיְתָה נֹפֶלֶת
עַל־הַֽיְקָר אֶחְמוֹל וְהָאֵל יַעֲנֶה / נֶפֶשׁ אֲשֶׁר עַל־הַיְקָר חֹמָלֶת
אוּלַי אֱלֹהִים שָׂם בְּפִי דָבָר כְּמוֹ / אֶבֶן יְקָרָה וַתְּהִי גֶחָלֶת
כַּשִּׁיר אֲשֶׁר יוּשַׁר וְיָרַח אַף אֱנוֹש / מִבֵּין אֲמָרָיו חֶלְבְּנָה וּשְׁחֵלֶת
לוּ כַצֳּרִי הַזֶּה בְּבֵית לוֹט יָדְעוּ / אַנְשֵׁי סְדֹם הִתְדַּפְּקוּ עַל־דָּלֶת.