לוגו
[...את כל...ן]
פרק:
מיקום ביצירה:
0%

קטע


…את כל…ן / וְאֵיכָה יִֽהְיֶה חֶסְרוֹן וְיִמָּן

…מדע וְיַרְאֶה / שְׂחוֹק עַל־פִּיו לְהִתְנַכֵּר וְנִסְמָן

…יְקֹד יַשְׁחִית בְּשָׂרִים / כְּתָבָם עַל־לְחָיֵינוּ לְסִימָן

… פְּרָת יִיבַשׁ וְאֵלָיו / קְרָא אִם־יַעֲנֶה פֶּסֶל וְחַמָּן

…ם יִקְרָאֲךָ הִכּוֹן וְזָכְרָה / קְרִיאַת בַּת־אֲבִיחַיִל לְהָמָן

קְרָאֻנִי תְלָאוֹתָיו וְלוּלֵי / כְּבוֹד נַפְשִׁי לְכָדֻנִי בְחֶרְמָן

וְנִלְחַמְתִּי יְדִידִי בַּתְּלָאוֹת /עֲדֵי כִי־נִגְאֲלָה חַרְבִּי בְּדָמָן

…כב ינק הָאֲנָחוֹת / לְעֵינֵי אִישׁ וּבַסֵּתֶר יְקִימָן

אֲשֶׁר יֵאוֹר לְעֵת עֶרֶב כְּאִלּוּ / בְּגִוְיוֹ נֶאֱסַף שֶׁמֶשׁ וְנִטְמָן

קְטַנָּה יֶחֱזֶה תֵבֵל כְּאִלּוּ / בְּעֵינָיו נִפְגְּשׁוּ צָפוֹן וְתֵימָן

וּבִקֵּשׁ מִנְּעוּרָיו הַגְּדֹלוֹת / מְאֹד עַד כִּי־מְצָאֻהוּ מְקוֹמָן

וְלוֹ עַל־הַֽמְשֹׁרְרִים מַחֲשָׁבוֹת / תְּכַסֶּינָה שְׁאוֹנֵי־יָם בְּקוּמָן

וְעֵינֵי הַזְּמָן כָּהוּ וְנִסְגַּר / לְבָבוֹ מִתְּבוּנוֹתָיו וְנִשְׁמָן

בְּכֵה מֵאֵין דֳּמִי לִדְמִי שְׁנוֹתַי / אֲשֶׁר לָאָת עֲצַת נַפְשִׁי הֲרִימָן

וְנַפְשִׁי כַלְּחָיַיִם וְלֵילוֹת / כְּאִלּוּ מִשְּׂעַר דּוֹדִי רְקָמָן

יְפַתֵּנִי בְּכוֹס חֶלְבּוֹן יְרַקְרַק / יְנָקוֹ מִשְּׁדֵי כֶרֶם מְזֻמָּן

וְדָבַק בַּבְּתוּלָה עַד אֲשֶׁר־כִּי / בְגִוְיוֹ שִׁלְּחָה רָזוֹן בְּמִשְׁמָן

וְדַל כִּי־מִלְּאָה עָמֹק בְּשָׂרוֹ / כְּרֵשׂוֹ עַד אֲשֶׁר עָשַׁת וְשָׁמָן

וּמָתְקוֹ מַר עֲדֵי אֶגְזֹר וְאֹמַר / אֲשֶׁר הוּא מִזְּמַן אוֹמָר וְתֵימָן

אֲשֶׁר יִדְמֶה דְּמוּת עֵינוֹ בְּעֵינַי / כְּמוֹ עֵין הַבְּדֹלַח אוֹ כְעֵין מָן

כְּמַרְאֵה גַחֲלֵי־אֵשׁ עֵת יְהוּצַק / בְּמִזְרָק מַעֲשֵׂה חָרָשׁ וְאָמָּן

וְעֵת יָקוּם בְּכָתֵף כַּף יְמָנִית / יְקַנֵּא הַשְּׂמָאלִי בוֹ לְהֵימָן

אֲשֶׁר עֵינוֹ כְּעֵין זָהָב אֲשֶׁר קָט / בְּאֹרֶךְ הַזְּמָן הוּשַׁת בְּמִכְמָן

יְרַקֵּד כָּל־דְּוֵה לֵבָב וְאוּלָם / יְשַׂמַּח כָּל־דְּוֵה לֵבָב וְאַלְמָן

וְגַם יִשְׁתַּחֲווּ־לוֹ הַֽיְגוֹנִים / כְּמוֹ הִשְׁתַּחֲוֹת אַשּׁוּר לְשַׁלְמָן

יְפַתֶּה נָעֲמוֹ לִבּוֹת חֲכָמִים / וְיַעְזֹב כָּל־קְשֵׁה־לֵב רַךְ וְרַחְמָן

וְעוֹדֶנּוּ יְפַתֶּה לוֹט וְיַסִּית / אֲחַשְׁוֵרוֹשׁ עֲדֵי יִשְׁלַח מְהוּמָן

יְמַהֵר בַּקְּרָב לִלְכֹּד גְּבָרִים / וְלוּ שֵׁשַׁי וְתַלְמַי וְאֲחִימָן

וְיַהְרֹג הָאֱנוֹשׁ מֵאֵין שְׁפָךְ־דָּם / וְיָמִית מַחֲנוֹת גִּבּוֹר וְהָמָן

וְיוֹלִיד לַעֲמַל־אֶרֶץ מְנַשֶּׁה / וי..ר עַד־יְהִי דֹאֵג כְּנַעְמָן

שְׁתִינוּהוּ וּבֵינֵינוּ אחי…/ ועמ…

וְלֹא־סָר עַד הֲרָגָהוּ מְנַשֶּׁה / וּבָגַד מִֽהְיוֹת רֵעַ וְנֶאְמָן

וְשָׁכַבְנוּ עֲלֵי מִטַּת אֲבִישַׁי / כְּמֵתִים נִקְבְּרוּ יַחַד בְּאַשְׁמָן.