לוגו
[פֵּרוּד עֲלֵי פֵרוּד וְעַיִן בְּלִי שֵׁנָה]
פרק:
מיקום ביצירה:
0%
X
F
U

וממّא אנקטע דונה אלקראן ותג͘אוז פיה מדא אלאחסאן [שיר משיריו שלא הגיעה ההתחרות לדרגתו ושעבר בו את תכלית היופי]


פֵּרוּד עֲלֵי פֵרוּד וְעַיִן בְּלִי שֵׁנָה / וְיָגוֹן עֲלֵי יָגוֹן וְלֵבָב בְּלִי רִנָּה

וְנֶפֶשׁ פְּנִינִיָּה תִּשְׂחַק עֲלֵי תֵבֵל / כְּגִבּוֹר אֲשֶׁר תִּשְׂחַק יָדוֹ עֲלֵי צִנָּה

הָעֵת גְּעַרְתִּיהָ לִשְׁקֹט עֲדֵי שׁוּבְכֶם / וַתֵּבְךְּ לִי כִּבְכוֹת חַנָּה לְאֶלְקָנָה

יוֹם יַעֲלֶה שִׁמְכֶם יָעוּף לְבָבִי בוֹ / וּבְבֵין יְגוֹנַי הוּא כִּדְבַשׁ בְּבֵין לַעְנָה

קִצֵּץ כְּנַף יָגוֹן וְנָפַל עֲלֵי לִבִּי / וְנַפְשִׁי לְעֻמַּתְכֶם תָּעוּף כְּמוֹ יוֹנָה

דִּרְשׁוּ שְׁנַת עֵינַי מֵעִם בְּנֵי־עַיִשׁ / אָז יֹֽאמְרוּ לָכֶם לֹא־טָעֲמוּ שֵׁנָה

יוֹם הַנְּדֹד עָמַד בֵּינִי וּבֵינֵיכֶם / הָיָה עֲלֵיכֶם לִי הַיּוֹם כְּמוֹ שָׁנָה

יִפְקֹד אֲשֶׁר פִּזֵּר רֵעִים לְהַקְהִילָם / וְכַמָּה קְרָאתִיהוּ עֲלֵי־זֹאת וְלֹא־עָנָה

יַמְטִיר כְּדִמְעָתִי מָטָר בְּאַדְמַתְכֶם / וְיִזְרַח בְּאַדְמָתִי שֶׁמֶשׁ אֲשֶׁר פָּנָה.