ולה איצ֗א
מִי זֹאת כְּמוֹ־שַׁחַר עֹלָה וְנִשְׁקָפָה / תָּאִיר כְּמוֹ חַמָּה בָּרָה מְאֹד יָפָה
כְּבוּדָּה כְּבַת־מֶלֶךְ עֲדִינָה מְעֻנָּגָה / רֵיחָהּ כְּרֵיחַ מֹר מֻקְטָר וְכִשְׂרֵפָה
לֶחְיָהּ כְּשׁוֹשַנָּה בַּדָּם מְאָדֶּמֶת / אֶרְאֶה כְשָׁפִים בָּהּ וְאֵינָהּ מְכַשֵּׁפָה
תַּעְדֶּה עֲדִי־זָהָב וּמִינֵי בְדֹלָחִים / וּבְכָל־יְקָר אֶבֶן־סַפִּיר מְעֻלָּפָה
כְּסַהַר בּמוֹלָדוֹ כִּתְרָהּ עֲלֵי רֹאשָׁהּ / שֶׁהִיא מְשֹׁהֶמֶת כֻּלָּהּ מְיֻשָּׁפָה
כִּי נִרְאֲתָה לִי מֵרָחוֹק חֲשַׁבְתִּיהָ / יוֹנָה תְּדַלֵּג עַל־שָׂדֶה וְהִיא עָפָה
רַצְתִּי לְקִרְבָתָהּ עֵת שֶׁרְאִיתִיהָ / עֵת רָאֲתָה אוֹתִי אָז כִּסְּתָה אַפָּהּ
אָנָה פְנוֹתֵךְ אַן וְהַיּוֹם מְאֹד פָּנָה / וְתֵבֵל רְאִי לוּלֵי אוֹרֵךְ כְּמוֹ עֵיפָה
תָּנִיד שְׂפָתֶיהָ אָז לְהֲשִׁיבֵנִי / כּאִלּוּ מְרִיקָה צוּף בָּהֶם וּמַטִּיפָה
לִרְאוֹת שְׁמוּאֵל הָרֹאֶה אֲנִי עֹלָה / לְהְיוֹת לְבֵיתוֹ סֹבֶבֶת וּמַקִּיפָה
וַאְזַי עֲנִיתִיהָ אַל־תֵּֽלְכִי אַל כִּי / אֹתוֹ בְחַיָּתֵךְ לֹא תִּֽהְיִי צֹפָה
כִּי־מֵת וְגַם יָרַד לִשְׁאוֹל בְּרָב־חֵשֶׁק / כָּלָה בְּאַהְבָתוֹ אֹתָךְ וְגַם נִסְפָּה
לְכִי אֶל־שְׁמוּאֵל שֶׁעָלָה בְאַרְצֵנוּ / כַּעְלוֹת שְׁמוּאֵל בָּרָמָה וּבַמִּצְפָּה
חָקַר תְּבוּנָה שָׂכַל סוֹד סְתָרֶיהָ / גֹּלָה וְנִפְזֶרֶת שָׂמָהּ מְאֻסָּפָה
שָׁלַל שְׁלָלֶיהָ וְכָמַס בּאֹצְרוֹתָיו / וּבָטַח בְּמַחְמַדֵּי זְהָבָהּ וְגַם־כַּסְפָּהּ
דּוֹדִי יְדִיד נַפְשִׁי אַתָּה צְרִי מַכְאוֹב / וּלְכָל־חֳלִי אַתְּ כִּתְעָלָה וְכִתְרוּפָה
לִמְאֹד אֲהַבְתִּיךָ אֵין קֵץ לְאַהְבָתְךְ / הִנְנִי בְּחָנֵנִי וְלִבִּי בְּזֹאת צָרְפָה
וּמֵאַהֲבָתִי בָךְ שִׁירִי יְהוֹדֶךָ / יַרְבֶּה דְבַר צַחוֹת לֹא לַעֲגֵי שָׂפָה
כָּל־בַּעֲלֵי הַשִּׁיר חָרְדוּ לְעֻמָּתוֹ / אַף־יַעֲטוּ בשֶׁת כֻּלָּם וְגַם־חֶרְפָּה.