לוגו
הֵחֵל הַנָּגֶף
מיקום ביצירה:
0%

שִׁירֵי-זָהָב

ד. הֵחֵל הַנָּגֶף

בשנת “בּוֹא חֳלִי-רָע בְּעִירִי”


הֶחֳלִי-רָע יִבֶן לַמָּוֶת מִזְבֵּחַ

וִיצוֹדֵד כָּל פֶּטֶר רֶחֶם וָשֶׁגֶר

וּבְשַׂר אָדָם יַקְרִיב בּוֹ אִשֵּׁה רֵיחַ

וָדָם עַל קַרְנוֹתָיו יֻסַּךְ יִנָּגֶר.


מִימִינִי אֶנְקַת חָלָל, מַר צוֹרֵחַ,

מִשְׂמֹאלִי דִּמְמַת מָוֶת, כֹּבֶד פָּגֶר:

שַׁעַר שָׁמַיִם תָּמִיד יִפָּתֵחַ

וּפִי הָאָרֶץ רֶגַע לֹא יִסָּגֶר.


וַאֲנִי בֵּין הַמֵּתִים בֶּטַח אָגוּרָה,

מִשֵּׂאת חֳלִי-רָע לֹא אֶפְחַד אֵחָתָּה,

גַם כַּעַס הַמָּוֶת טֶרֶם אָגוּרָה.


כִּי אַפְקִיד רוּחִי בִּידֵי אֵל שָׁמַיִם,

אֹמַר לַאדֹנָי: סִתְרִי מַחְסִי אָתָּה

מִדֶּבֶר הַווֹת, מִקֶּטֶב צָהֳרָיִם.