רשות לקדיש

אַנְחָתִי גָבְרָה וְעָצְמָה תוּגָתִי

עַל כֹּבֶד זְדוֹנִי וּפִשְׁעִי וְחַטָּאתִי.

אֱלֹהִים עֲזָבַנִי – לְזֹאת בִּקְהַל עֲדָתִי

בְּמַר אֶשָּׂא קוֹלִי וְאַגְדִּיל צַעֲקָתִי:

אוֹי לִי עַל שִׁבְרִי, נַחְלָה מַכָּתִי!

רְעָדָה אֲחָזַתְנִי לְחֻרְבַּן מִקְדָּשִׁי

וְעַל הֶרֶג עַם אֵל אֶבְכֶּה בְּמַר נַפְשִׁי;

כָּל יָמַי וְשָׁנַי וְשַׁבַּתִּי וְחָדְשִׁי

הֶגֶה וָהִי אֶעֱרֹךְ, וְאַזִּיל דִּמְעָתִי:

אוֹי לִי עַל שִׁבְרִי, נַחְלָה מַכָּתִי!

מִקֹּצֶר רוּחִי וְרֻבֵּי יְגוֹנוֹתַי

חַלְתִּי וְנֶחֱלֵיתִי וְחָשְׁכוּ מְאוֹרוֹתַי,

זָנַחְתִּי אֵלִי וְרַבּוּ צָרוֹתַי,

נִבְהַלְתִּי מֵרְאוֹת; יְצַו נֶחָמָתִי

יָה, וּשְׁמוֹ יִגְדַּל בְּקֶרֶב קְהִלָּתִי.