לְמִי־אֲדַמְּךָ יִשְׂרָאֵל, אֲדַמְּךָ עַם־פְּלָאוֹת!

תִּשְׂחַק לְכָל־אָסוֹן, תִּלְעַג לְכָל־צֶלַע,

הִנְּךָ־רַךְ כַּקָּנֶה וְקָשֶׁה מִסֶּלַע,

חַלָּשׁ כַּכִּבְשָׂה וְגִבּוֹר מֵאֲרָיוֹת,

מוּג־לֵב כַּשָּׁפָן וְעַז מִנָּמֵר

וּמִפִּיד וְכִלָּיוֹן תַּשְׂכִּיל לְהִשָּׁמֵר.

סַעַר כִּי־יִתְחוֹלֵל עַל־פְּנֵי הָאָרֶץ,

יַכֶּה גַלִּים, אֵיבָה וּמַשְׂטֵמָה,

יִסְעַר לְשָׁטְפָךְ, לְטָבְעָךְ בָּהֵמָה

וּכְפֶשַׂע בֵּינְךָ וּבֵין הַקָּרֶץ –

אָז־רֹאשְׁךָ כְּאַגְמוֹן תָּכֹף וְתָשׁוּחַ

עַד־יִשְׁתֹּק הַסַּעַר מִזַּעְפּוֹ יָנוּחַ.

אוּלָם־חִצִּים וָמָוֶת, רֹמַח וָקֶשֶׁת,

חֶרֶב מְלֵאָה־דָם, רֶצַח וּמְהוּמָה

עָלֶיךָ לֹא־יִצְלָחוּ, לֹא־יִפְעֲלוּ מְאוּמָה.

גֵּוְךָ חַלָּמִישׁ, שָׁמִיר וּבַרְזֶל־עֶשֶׁת,

תְּפוֹצְצֵם כַּחֶרֶס, תְּנַפְּצֵם לִרְסִיסִים

וְהִנְּךָ נִמְלָט בְּנִפְלָאוֹת וְנִסִים.

כִּי־תַעֲלֶה בְמַעֲלוֹת בְּחָכְמָה וָדַעַת,

תַּצְלִיחַ בְּמִסְחָר וּמְלֶאכֶת כַּפַּיִם

בְּלִבְּךָ הַמֵּבִין וּבַחֲרִיצוּת יָדַיִם,

וּתְעוֹרֵר עָלֶיִךָ קִנְאָה וָכַעַס,

חֲמַת אַנְשֵׁי־רֶשַׁע עֵינָם בְּךָ צָרָה,

הַקִּנְאָה אֲכָלָתַם, אַפָּם חָרָה;

עֲלִילוֹת יְעוֹלֵלוּ מִשְׁפָּטֶיךָ לִגְרוֹעַ

וְהִנְּךָ נִרְדָף וְעָשׁוּק כָּל־הַיָּמִים

כְּכִבְשָׂה רְפַת־כֹּח, כְּשֶׂה תָּמִים –

אָז לֹא־תִפְצֶה פִּיךָ – כִּי־תֵדַע יָדֹעַ:

אִם־מִשְׁפָּטִים תְּדַבֵּר, תְּגַלֶּה רָעָתָם,

לַעֲשׂוֹת־אִתְּךָ כָּלָּה, תַּגְדִּיל חֲמָתָם.

אוּלָם אִם־אֶת־דָּתְךָ, אֱמוּנָתְךָ הַטְּהוֹרָה

לְהַכְחִידֶנָּה מִלְּבָבְךָ יָעֲצוּ שָׁאָפוּ

גּוֹיִם עָרִיצִים בְּדוֹרוֹת חָלָפוּ –

אָז־כָּאֲרִי וְכַנָּמֵר אָיוֹם וְנוֹרָא

גַּנּוֹתָ עָלֶיהָ בְּרַעַם מִלְחָמָה

וְתָמִיד יָצָאתָ וְיָדְךָ רָמָה.

לְמִי־אֲדַמְּךָ יִשְׂרָאֵל, אֲדַמְּךָ עַם־פְּלָאוֹת!

תִּשְׂחַק לְכָל־אָסוֹן, תִּלְעַג לְכָל־צֶלַע,

הִנְּךָ־רַךְ כַּקָּנֶה וְקָשֶׁה מִסֶּלַע,

חַלָּשׁ כַּכִּבְשָׂה וְגִבּוֹר מֵאֲרָיוֹת,

מוּג־לֵב כַּשָּׁפָן וְעַז מִנָּמֵר

וּמִפִּיד וְכִלָּיוֹן תַּשְׂכִּיל לְהִשָּׁמֵר.