מְקוֹם הָאֹשֶׁר מִי־יוּכַל יַרְאֵנִי,

יְמַלֵּא מֵחְסוֹרַי, מִיגוֹנִי יְשַׂמְּחֵנִי;

חִנָּם אִיגַע לַשָּׁוְא אֲחַפְּשֵׂהוּ,

בַּשָּׁמַיִם הוּא בָּאָרֶץ אֵינֵהוּ.

תַּעֲנוּגֵי הַתֵּבֵל

אַךְ שָׁוְא וָהֶבֶל,

יָבֹאוּ בְלִי דַעַת

וּבְלִי דַעַת יַחֲלֹפוּ,

יַשְׁאִירוּ אַךְ כַּעַס

וְאָשְׁרְךָ יִקְטֹפוּ,

נַפְשְׁךָ יַבְהִילוּ

וּמַחְסוֹרֶיךָ יַכְפִּילוּ.

אֲבָל תּוֹרָה וֶאֱמוּנָה,

מַדָּע וּתְבוּנָה

תִּמְצָאֵם בִּיגִיעָה,

בְּיָזַע עַל מֵצַח,

לֹא יַכּוּךָ שְׁאִיָּה

וְלֹא יַעַזְבוּךָ נֵצַח,

לְבָבְךָ יַרְנִינוּ

וּמַחְסוֹרֶיךָ יַקְטִינוּ.

אִם־אֵלֶּה מָצָאתָ, חָכְמָה קָנִיתָ,

הָאֹשֶר הָאֶחָד בָּאָרֶץ מִתָּחַת,

וְאֹתָהּ אִם־רָכַשְׁתָּ, אַשְׁרֶיךָ עָלִיתָ,

תִּשְׂחַק לְיוֹם־אַחֲרוֹן, לֹא־תָמוּת לַשָּׁחַת.