מִמַּיִם רַבִּים תַּמְשֵׁנִי, / רוּחֲךָ טוֹבָה תַנְחֵנִי!

אֵיךְ לֵב נָע וָנָד יִנָּפֵשׁ?

יִירָא מֵרוּחַ וָרֶפֶשׁ,

כִּי בָאוּ מַיִם עַד נָפֶשׁ.

קוּמָה, אֵלִי, הוֹשִׁיעֵנִי / וּמְצוּלָה אַל תִּבְלָעֵנִי!

בְּיָדְךָ עִתּוֹתַי – וַאֲנִי מָה

אֵחָשֵׁב בְּיָם אוֹ בַאֲדָמָה?

וְעִמְּךָ הָיִיתִי כִבְהֵמָה!

בְּחֶלְדִּי בַּעֲצָתְךָ תַּנְחֵנִי / וְאַחַר כָּבוֹד תִּקָּחֵנִי.

רָפוּ יָדַי מֵאֵימֶךָ

יוֹם סָעַר עָלַי יַמֶּךָ,

וַאֲחַזֵּק יָדַי בִשְׁמֶךָ.

אִם אַתָּה לֹא תַעֲמִידֵנִי – / חֶטְאִי אֶל בּוֹר יוֹרִידֵנִי.

מִדֵּי הֱיוֹתִי זֹאת אֶזְכֹּרָה:

בְּבוֹא רוּחַ צָפוֹן בִּסְעָרָה

וְעָבַר עָלַי בַּיָּם צָרָה,

יוֹם קָרָאתִי – וַתַּעֲנֵנִי / לֵאמֹר: הִנֵּנִי הִנֵּנִי!