[הפגישה]    🔗

שִׁמְעוּ, חֲכָמִים, מִלַּי / וְיוֹדְעִים, הַאֲזִינוּ אֵלַי! / בִּינוּ, אִישִׁים / וִישִׁישִׁים,/ וְהַקְשִׁיבוּ, בּוֹעֲרִים/ וּנְעָרִים,/ כִּי אֱמֶת יֶהְגֶּה חִכִּי וּמִפְתַּח שְׂפָתַי – מֵישָׁרִים./ בְּנֵי אִמִּי,/ שָׂמוּנִי נוֹטֵר לְלֹא כַרְמִי./ קַמְתִּי לִנְסֹעַ / וּלְבַקֵּשׁ מַרְגּוֹעַ,/ כְּדֵי שֶׁתָּנוּחַ נִשְׁמָתִי / וְתִנָּפֵשׁ נַפְשִׁי וְתִתְיַחֵד יְחִידָתִי,/ וְעִמִּי רֵעִים / לִדְבָרַי שׁוֹמְעִים.

וָאֵרֶא – וְהִנֵּה אִישׁ זָקֵן הוֹלֵךְ בַּשָּׂדֶה / מְשַׁבֵּחַ לָאֵל יִתְעַלֶּה וּמוֹדֶה./ דְּמוּתוֹ כִּדְמוּת הַמְּלָכִים / וְהוֹדוֹ כְּהוֹד הַמַּלְאָכִים,/ לֹא הֶחֱלִיפוּהוּ הַזְּמַנִּים / וְלֹא שִׁנּוּהוּ הַשָּׁנִים. עֵינָיו כְּיוֹנִים / וְרַקָּתוֹ כְּפֶלַח הָרִמּוֹנִים,/ לֹא עָוְתָה קוֹמָתוֹ וְלֹא כָשַׁל כֹּחוֹ,/ לֹא כָהֲתָה עֵינוֹ וְלֹא נָס לֵחֹה,/ שְׁמָנָיו טוֹבִים כְּרֵיחַ נְרָדִים,/ חִכּוֹ מַמְתַקִּים וְכֻלּוֹ מַחֲמַדִּים./ וָאֹמַר לוֹ “שְׁלוֹמְךָ יִשְׂגֶּה / וּבַחָכְמָה תָּמִיד תֶּהְגֶּה / וְלָעַד לֹא תִשְׁגֶּה! / בֶּן מִי אַתָּה וּמַה שְּׁמֶךָ / וּמַה מְּלַאכְתְּךָ וְאֵי־זֶה מְקוֹמֶךָ?”

וַיַּעֲנֵנִי בְמִלִּים/ מְמֻלָּאִים בְּאַבְנֵי מַרְגָּלִים / וּבִדְבָרִים סְדוּרִים / כְּתֻמִּים וְאוּרִים./ וַיֹּאמֶר לִי “יֵיטֵב אֱלֹהִים אֶת שְׁמֶךָ / וִיהִי כַנָּהָר שְׁלוֹמֶךָ,/ יְהִי תָמִיד בְּכִסְלֶךָ / וְיִשְׁמֹר מִלֶּכֶד רַגְלֶךָ! / חַי בֶּן־מֵקִיץ שְׁמִי / וְעִיר הַקֹּדֶשׁ מְקוֹמִי,/ וּמְלַאכְתִּי אֲשֶׁר אַתָּה רוֹאֶה / אֶעֱשֶׂנָּה וְלֹא אֶלְאֶה –/ אֲשׁוֹטֵט בְּכָל עִיר וּמְדִינָה / וּבְכָל צַד וּפִנָּה,/ וְאָבִי הִדְרִיכַנִי דֶּרֶךְ חָכְמָה / וְלִמְּדַנִי דַעַת וּמְזִמָּה / וָאֶהְיֶה אֶצְלוֹ אָמוֹן / בְּבַעַל הָמוֹן / בְּצִלּוֹ חִמַּדְתִּי וְיָשַׁבְתִּי וְלֹא אֶעְתַּק,/ כִּי פִרְיוֹ לַחֵךְ עָרֵב וְנִמְתָּק”.

[התחלת הסיור]    🔗

אָמַרְתִּי “מָשְׁכֵנִי אַחֲרֶיךָ נָרוּצָה,/ אָגִילָה בְךָ וְאֶעֱלֹצָה,/ בְּדֹדֶיךָ אֶשְׂמַח וְאָשִׂישׂ / מִיֵּין הָרֶקַח וּמֵעָסִיס”. / וַיֹּאמֶר לִי “לֹא תוּכַל לָרוּץ נֶגְדִּי / וְלָעוּף עִמָּדִי – / וּכְנָפֶיךָ נִשְׁבָּרִים / וְאֵין לְךָ אֲבָרִים”./ וָאֹמַר “מִי יִתֶּן־לִי אֵבֶר כַּיּוֹנָה,/ אָעוּפָה וְאֶשְׁכֹּנָה! / בִּי אֲדוֹנִי,/ אַל תֵּפֶן אֶל זְדוֹנִי,/ כִּי אֵלֶיךָ גִּלִּיתִי אֶת רִיבִי / וְעָלֶיךָ הִשְׁלַכְתִּי יְהָבִי / וּלְךָ תוֹחַלְתִּי וְשִׂבְרִי – / רְפָא חָלְיִי וַחֲבשׁ שִׁבְרִי!”/ וַיּוֹלִיכֵנִי דֶרֶךְ קְרוֹבָה/ אֶל אֶרֶץ אֲרֻכָּה וּרְחָבָה/ תֵּחָלֵק לִשְׁלשָׁה חֲלָקִים / עֲמֻקִּים וּרְחוֹקִים: / תְּחִלַּת הָאֶחָד מֵהֶם בַּמַּיִם / וְסוֹפוֹ בַּשָּׁמַיִם,/ וּשְׁנַיִם הַנִּשְׁאָרִים / אֲשֶׁר הֵמָּה הָעִקָּרִים –/ הָאֶחָד בַּמִּזְרָח קְצָתוֹ / וְהַשֵּׁנִי בַּמַּעֲרָב רֵאשִׁיתוֹ,/ זֶה עַל זֶה יָהֵל אוֹרוֹ / וְזֶה מִזֶּה יִלְבַּשׁ הֲדָרוֹ. / לָאֵלֶּה תֵּחָלֵק הָאָרֶץ בְּנַחֲלָה / בָּרֹאשׁ וּבַתְּחִלָּה,/ וְלֹא יוּכַל בְּאֵלֶּה הַמְּקוֹמוֹת הַגְּבֹהִים/ כִּי אִם אִישׁ מָלֵא רוּחַ אֱלֹהִים.

וּבִקְצֵה הָאָרֶץ הַזֹּאת עַיִן תַּבִּיעַ,/ קוֹלָהּ מֵרָחוֹק תַּשְׁמִיעַ,/ פְּלָגֶיהָ – נְהָרִים / וּמֵימֶיהָ – מַיִם אַדִּירִים,/ מְרַפִּים כָּל מַחַץ וּמַחֲלָה / וּמַעֲלִים רְפוּאָה וּתְעָלָה./ וַאֲנַחְנוּ כַּאֲשֶׁר קָרַבְנוּ אֵלֶיהָ / וְעָמַדְנוּ עָלֶיהָ,/ הִפְשִׁיטַנִי כֻּתָּנְתִּי וְהִשְׁלִיכָהּ / וַיּוֹרִידֵנִי עָרֹם לְתוֹכָהּ./ וַיֹּאמֶר לִי “שְׁתֵה מַיִם מִמְּקוֹרָהּ / וְנוֹזְלִים מִתּוֹךְ בְּאֵרָהּ,/ כִּי בָהּ יְחֻבְּשׁוּ שְׁבָרֶיךָ / וְיֵרָפְאוּ אֲבָרֶיךָ / וְיִהְיוּ לְךָ כְנָפַיִם / לָעוּף בַּשָּׁמַיִם”. / וָאֶשְׁתֶּה מִמֵּימֵי הַחַיִּים / אֲשֶׁר לַנְּפָשׁוֹת מְחַיִּים,/ וַיָּסוּרוּ מִמֶּנִּי מַכְאוֹבִים וּנְגָעִים / וָחֳלָיִים נֶאֱמָנִים וְרָעִים,/ וַיִּהְיוּ לִי כַצֳרִי / לַחֲבשׁ אֶת שִׁבְרִי / מִכְּנָפִי וְאֶבְרִי.

אֲנִי כַּאֲשֶׁר שָׁתִיתִי דַיִּי / וְנִתְרַפֵּאתִי מֵחָלְיִי,/ שָׁלַח יָדוֹ וּלְקָחַנִי / וּמִמִּצוּלוֹת הָעַיִן הֶעֱלַנִי / וַיְבִאנֵיִ אֶל מְדִינָה / קְדוּמָה וִישָׁנָה / הוֹרֶגֶת אוֹהֲבֶיהָ / וְאוֹכֶלֶת יוֹשְׁבֶיהָ./ בְּתוֹכָהּ אֹהָלִים / חֲשֵׁכִים וַאֲפֵלִים,/ הַשֶּׁמֶשׁ רְחוֹקָה מֵהֶם / וְהַיָּרֵחַ לֹא יִזְרַח עֲלֵיהֶם./ וְאַחֲרֵיהֶם עַיִן חַמָּה / בְּתוֹכָהּ תָּבוֹא הַחַמָּה / מְקוֹרָהּ אֵינֶנּוּ נִסְתָּם / תִּתְהַפֵּךְ כְּחֹמֶר חוֹתָם.

וּבַמְּדִינָה אֲנָשִׁים / דַּלִּים וְרָשִׁים,/ יְמֵיהֶם מְעַט וְרָעִים / וְהֵמָּה בוֹנִים וְנוֹטְעִים / וְרוֹאִים הַבִּנְיָנִים יֵהָרְסוּ / וְהַזְּרָעִים יֵרָמְסוּ / וְהָאַרְמוֹנִים יִסָּתְרוּ / וְהָאִילָנִים יֵעָקְרוּ / וְהַכֹּל נוֹפְלִים בְּמוֹקֵשׁ / אֵין דּוֹרֵשׁ וְאֵין מְבַקֵּשׁ./ וְאֵיךְ יַעַמְדוּ / וְלֹא יִתְפָּרְדוּ? / וְהֵמָּה מְקֻבָּצִים וּמְחֻבָּרִים / מֵאוֹיְבִים וְצָרִים! / אֵין לָהֶם שֶׁקֶט וְשַׁלְוָה / וְנַחַת וְחֶדְוָה,/ כִּי הַדְּבָרִים הַטּוֹבִים / בְּרָעִים מְעֹרָבִים:/ הַחֶדְוָה / בְּמַדְוָה,/ וְהַשִּׂמְחָה / בַּאֲנָחָה,/ וְהַשָּׂשׂוֹן/ בְּאָסוֹן./ הַיּוֹדְעִים לֹא יִמְצְאוּ חֵן בְּדַעְתָּם / וְהַקַּלִּים לֹא יָרוּצוּ בְּקַלּוּתָם / וְאַנְשֵׁי חַיִל לֹא יִנָּצְלוּ בְחֵילָם,/ כִּי עֵת וָפֶגַע יִקְרֶה אֶת כֻּלָּם!

[תחום האש]    🔗

וְאַחֲרֵי הַגְּבוּל הַזֶּה אֵשׁ אוֹכֵלָה / אֶל הַשָּׁמַיִם עוֹלָה,/ גֶּחָלֶיהָ בוֹעֲרִים / וּרְשָׁפֶיהָ סוֹעֲרִים / לְהָבֶיהָ כַחֲרָבִים / וּשְׁבִיבֶיהָ כַכּוֹכָבִים, / לֹא יְכַבּוּהָ הַגְּשָׁמִים / וְלֹא יִשְׁטְפוּהָ הַיַּמִּים./ הַסְּלָעִים יִמַּסּוּ מִמְּדוּרוֹתֶיהָ / וְהַצּוּרִים יָזוּבוּ מִשַּׁלְהֲבוֹתֶיהָ.

אָנֹכִי כַּאֲשֶׁר רָאִיתִי אוֹתָהּ / וְחָזִיתִי דְמוּתָהּ,/ רָפוּ יָדַי וְכָשְׁלוּ בִרְכַּי / וְעָשֲׁשׁוּ מִכַּעַס עֵינַי / וְנָפְלוֹ מִפַּחַד פָּנַי / וְלֹא יָכֹלְתִּי לַעֲמֹד,/ כִּי נַפְשִׁי נִבְהֲלָה מְאֹד./ וַיִּגַּשׁ הָאִישׁ אֵלַי / וַיַּעֲמִידֵנִי עַל רַגְלַי / וַיֹּאמֶר אֵלַי / “אַל תִּירָא וְאַל יֵרַךְ לְבָבָךְ / כִּי תֵלֵךְ בְּמוֹ אֵשׁ לֹא תִכָּוֶה וְלֶהָבָה לֹא תִבְעַר בָּךְ!” / וַיַּעֲבֹר עַל פָּנַי / וַיֹּאמֶר “בּוֹא, בְּרוּךְ יְיָ!” / וַיִּקָּחֵנִי מְהֵרָה / וַיַּעֲבִירֵנִי בַמְּדוּרָה./ וָאֵרֶא הַלֶּהָבִים לְפָנֵינוּ מֻשָּׂקִים / וְהַשְּׁבִיבִים סְבִיבוֹתֵינוּ דוֹלְקִים / וְהָרְשָׁפִים אוֹתָנוּ מַקִּיפִים –/ וַאֲנַחְנוּ שְׁלֵמִים וְאֵין אָנוּ נִשְׂרָפִים.

[הגלגלים (העולם האמצעי)]    🔗

וַיְהִי כַאֲשֶׁר יָצָאנוּ מִתְּחוּמָם / וְנִצַּלְנוּ מֵחֻמָּם,/ וָאֵרֶא אֵצֶל הַמְּדִינָה / מַמְלָכוֹת שְׁמֹנָה,/ לָהֶם זְבוּלִים / עֲצוּמִים וּגְדוֹלִים,/ אַמִּיצִים וַחֲזָקִים / וְכִרְאִי מוּצָקִים,/ אֶחָד בְּאֶחָד יִגְּשׁוּ גַגֵּיהֶם / וְרוּחַ לֹא יָבוֹא בֵיֵניֶהם,/ אִישׁ בְּאָחִיהוּ יְדֻבָּקוּ/ יִתְלַכְּדוּ וְלֹא יִתְפָּרָקוּ,/ מִנְהֲגוּתָם לֹא תַחֲלֹף וְלֹא תִשְׁתַּנֶּה / וְצִבְאוֹתָם לֹא תִסְפֹּר וְלֹא תִמְנֶה.

וְכֻלָּם מְנַצְּחִים / וּבְרֹן יַחַד מְשַׁבְּחִים,/ לְעוֹלָם עוֹמְדִים/ וּלְצוּרָם עוֹבְדִים,/ שׁוֹמְרִים חֻקּוֹתָם/ וּמַחֲזִיקִים בִּבְרִיתָם,/ רָעָה לֹא תְאֻנֶּה אֲלֵיהֶם/ וְנֶגַע לֹא יִקְרַב בְּאָהֳלֵיהֶם./ לֶכְתָּם – לֶכֶת שׁוֹאֲפִים/ וַעֲבוֹדָתָם – עֲבוֹדַת נִכְסָפִים,/ צוּרוֹתָם שׁוֹקְדוֹת/ וְנַפְשׁוֹתָם סוֹלְדוֹת,/ כִּי עֲלֵיהֶם יִזְרַח הָאוֹר / מִמְּעוֹן טָהוֹר וְנָאוֹר,/ שָׁמָּה מַעְיַן גַּנִּים / בְּאֵר מַיִם חַיִּים.

[נוגה]    🔗

וּבַמַּמְלָכָה הַשְּׁלִישִׁית נָשִׁים שַֹאֲנַנּוֹת,/ מְנַגְּנוֹת וּמְעַנּוֹת,/ תּוֹפְשׂוֹת כִּנּוֹרִים / וְעוּגָבִים וּזְמִירִים / וְתֻפִּים וּמְחוֹלִים / צֶלְצְלִים וּנְבָלִים / מְפַזְּזוּת וּמְכַרְכְּרוֹת / וּמְרַקְּדוֹת וּמְשׁוֹרְרוֹת./ עֲלֵיהֶן מַלְכָּה/ עֲנֻגָּה וְרַכָּה,/ פָּנֶיהָ כַשֶּׁמֶשׁ בְּצֵאתוֹ/ וְכַיָּרֵחַ בְּתֻמָּתוֹ./ עֵינֶיהָ כַּחֲרָבוֹת / וְשִׁנֶּיהָ כְּעֵדֶר הַקְּצוּבוֹת / שֶׁכֻּלָּם מַתְאִימוֹת/ וּמִשְּׁכוֹל שְׁלֵמוֹת / כְּחוּט הַשָּׁנִי שִׂפְתוֹתֶיהָ/ וּכְעֵין הָעוֹרֵב קְוֻצּוֹתֶיהָ/ כְּפֶלַח הָרִמּוֹן רַקָּתָהּ / מִבַּעַד לְצַמָּתָהּ / אַגַּן הַסַּהַר שָׁרְרָהּ / וְתֹאַר הַחַמָּה תָּאֳרָהּ./ אוֹרָהּ יִגַהּ וְיָהֵל –/ וְכָל רוֹאָהּ יִתְמַהּ וְיִבָּהֵל.

[מאדים]    🔗

וּבַמַּמְלָכָה הַחֲמִישִׁית אֲנָשִׁים אֲדֻמִּים / שׁוֹפְכֵי דָמִים,/ סֵעֲפִים / וַחֲנֵפִים / וְשׁוֹדְדִים / וּמְזִידִים./ הַקְּרָב אוּמְנוּתָם / וְהַמִּלְחָמָה מְלַאכְתָּם,/ הַשֹּׁחַד לוֹקְחִים / וְהַנְּפָשׁוֹת רוֹצְחִים,/ מַפִּילִים הַחֲלָלִים / וְאוֹכְלִים הַשְּׁלָלִים,/ אוֹהֲבֵי אָוֶן וּמִרְמָה/ וְשׂוֹנְאֵי דַעַת וּמְזִמָּה./ שִׁלְטוֹנָם – אִישׁ מִלְחָמָה / וּבַעַל חֵמָה,/ חֲרָבָיו מוֹרֵק / וְשִׁנָּיו חוֹרֵק./ רְמָחָיו מוּכָנִים וַחֲנִיתוֹתָיו עֲרוּכוֹת / חִצָּיו שְׁנוּנִים וְקַשְׁתוֹתָיו דְּרוּכוֹת,/ פַּרְסוֹת סוּסָיו כַּצַּר נֶחְשָׁבוּ / וְגַלְגִּלָּיו כַּסּוּפָה יִרְכָּבוּ./ הוֹרֵג נְקִיִּים / וְגוֹזֵל עֲנִיִּים,/ הָאָוֶן פָּעֳלוֹ/וְהֶעָמָל עֲמָלוֹ,/ לֹא יִכָּלֵם מִדַּבֵּר מִרְמָה / וְלֹא יֵבוֹשׁ מֵעֲשׂוֹת זִמָּה.