רהיט
אֲשֶׁר אֵין בַּשָּׁמַיִם וּבָאָרֶץ זוּלָתֶךָ / אֲשֶׁר יַעֲשֶׂה כְמַעֲשֶׂיךָ וְכִגְבוּרֹתֶיךָ.
אֲשֶׁר בַּעֲבוּרוֹ קָם הַכֹּל בְּאֵין פֶּרֶץ, / אֲשֶׁר בְּיָדוֹ מֶחְקְרֵי אֶרֶץ.
אֲשֶׁר רַב טוּבְךָ בְּהַמְצִיאֲךָ שָׁרְשִׁי, / אֲשֶׁר עָשִׂיתָ עִמָּדִי לְהַחֲיוֹת אֶת נַפְשִׁי.
אֲשֶׁר הִצַּבְתָּ מוֹפְתֶיךָ לְעֵדַי נֶאֱמָנַי, / אֲשֶׁר עַיִן בְּעַיִן נִרְאָה אַתָּה יְיָ.
אֲשֶׁר מִקֶּדֶם כּוֹנַנְתָּ מָגֵן לְהֹלְכֵי תֹם, / אֲשֶׁר בְּךָ יְרֻחַם יָתוֹם.
אֲשֶׁר עוּזְךָ תְּגַלֶּה וְיִכְלוּ שׂוֹטְנֶיךָ, / אֲשֶׁר יִשְׁמְעוּן שִׁמְעֲךָ וְרָגְזוּ וְחָלוּ מִפָּנֶיךָ.
אֲשֶׁר זְבַדְתַּנִי חֻקִּים לְהַדְבִּיקִי בְּיִשְׁרֵיהֶם, / אֲשֶׁר לֹא אָשׁוּב מֵאַחֲרֵיהֶם.
אֲשֶׁר רוּחֲךָ בְּשָׁפְכְּךָ תַּפְלִיא פְלָאִים גְּבוֹהִים, / אֲשֶׁר לֹא נִבְרְאוּ בְכָל הָאָרֶץ וּבְכָל הַגּוֹיִם.
אֲשֶׁר אִמַּצְתַּנִי בְּדִבְרֵי חָזוּת קְרוּאָה, / אֲשֶׁר עָשִׂיתָה אִתִּי טוֹבָה.
אֲשֶׁר חִיל יֹאחַז רוֹדְפֶיךָ, וְיִירָאוּ / אֲשֶׁר בְּשִׁמְךָ לֹא קָרָאוּ.
אֲשֶׁר זִכְרְךָ יִוָּדַע וְהָאֱלִילִים יִגָּדֵעוּן, / אֲשֶׁר לֹא יִרְאוּ וְלֹא יִשְׁמְעוּן.
אֲשֶׁר קִדַּמְתָּ טוֹב בְּדִבְרֵי נְבִיאֶיךָ, / אֲשֶׁר צָפַנְתָּ לִּירֵאֶיךָ.