לוגו
בְּנֵי אָדָם אִמַּצְתָּם
פרק:
מיקום ביצירה:
0%
X
F
U

רהיט


בְּנֵי אָדָם אִמַּצְתָּם – בְּאוֹתוֹ סֶכֶל יְעִידָם,

וַתֹּאמֶר: ׳שׁוּבוּ בְנֵי אָדָם!׳

בְּנֵי אָדָם בּוֹשִׁים עַל חֶטְאָם מִפְּנֵי מֵבִין סוֹדָם –

יְיָ הִשְׁקִיף מִשָּׁמַיִם עַל בְּנֵי אָדָם.

בְּנֵי אָדָם רְצוֹן אֲבִיהֶם יְבַקְּשׁוּ בְּעוֹדָם –

נוֹרָא עֲלִילָה עַל בְּנֵי אָדָם.

בְּנֵי אָדָם – הִזְהַרְתָּם מְאֹד לְיַשֵּׁר מַעְבָּדָם:

׳מֵישָׁרִים תִּשְׁפְּטוּ, בְּנֵי אָדָם!׳

בְּנֵי אָדָם – מֶה חֶלְדָם וְאַיִן הוֹדָם;

עַל מַה שָּׁוְא בָּרָאתָ כָל בְּנֵי אָדָם?

בְּנֵי אָדָם – בְּתוֹכֵחוֹת יִסַּרְתָּם בְּךָ בְּבִגְדָם,

כְּרֻם זֻלּוּת לִבְנֵי אָדָם.

בְּנֵי אָדָם נְעִימוֹתֶיךָ יִחֲלוּ, כִּי אֵין לְאֵל יָדָם,

כִּי פַסּוּ אֱמוּנִים מִבְּנֵי אָדָם.

בְּנֵי אָדָם – עֲמָלָם לְרוּחַ וְאֶפֶס כָּל מְאֹדָם,

אַךְ הֶבֶל כָּל אָדָם.

בְּנֵי אָדָם זוֹכְרִים, כִּי לֹא יְכִילוּךָ שְׁחָקִים וּגְדוּדָם,

אַף כִּי לִבּוֹת בְּנֵי אָדָם.

בְּנֵי אָדָם רוֹמְמוּת אֵל יְחַוּוּן וְיָעִידוּ, בְּהַגִּידָם

חַסְדּוֹ וְנִפְלְאוֹתָיו לִבְנֵי אָדָם.

בְּנֵי אָדָם – אֲמִתְּךָ תַּנְחֵם וּבְטוּבְךָ יָגֵל כְּבוֹדָם –

פָּעַלְתָּ לַחֹסִים בָּךְ נֶגֶד בְּנֵי אָדָם.