רהיט
וּבְכֵן אֶשְׁפֹּךְ לִפְנֵי אֵל לְבָבִי / בְּזָכְרִי דִבְרֵי אֵלִיָּהוּ הַנָּבִיא.
אֵל, לְשַׁוְעִי הֱיֵה קָרוֹב / וּלְטוֹב עַבְדְּךָ עֲרֹב / בִּפְנוֹת הַיּוֹם לַעֲרֹב.
אָז נָסַע עַם אֵל – / וַיִּשְׁלַח מַלְאָכִים אֶל / כָּל גְּבוּל יִשְׂרָאֵל.
נִקְבְּצוּ נְבִיאֵי תֹהוּ / לַחֲקֹר אֱלוֹהַּ מִי הוּא; / וַיֹּאמֶר אֵלִיָּהוּ:
׳יַחֲדוּ אֵל, נֶאֱלָחִים, / וְעַל סְעִיפִים מִתְנַצְּחִים / עַד מָתַי אַתֶּם פֹּסְחִים?׳
אָז, בְּשָׁמְעָם דְּבַר נֹעַם, / נִלְאוּ לְהָשִׁיב טַעַם – / וְלֹא עָנוּ הָעָם.
׳בִּינוּ סוֹד מַחֲשָׁבִי, / כִּי לֵאלֹהֵי אָבִי / אֲנִי נוֹתַרְתִּי נָבִיא.׳
רַבּוּ, בְּאֶפֶס יְשָׁרִים, / נְבִיאֵי אֱלֹהִים אֲחֵרִים; / וַיִּתְנוּ לוֹ שְׁנַיִם פָּרִים:
׳הָאֶחָד יְהִי לָכֶם / וְאֵשׁ לֹא תְשִׂימוּן כְּדַתְכֶם / וּקְרָאתֶם בְּשֵׁם אֱלֹהֵיכֶם.
עֲשׂוּ רִאשׁוֹנָה יַחַד / וְקִרְאוּ בְשֵׁם הַנִּכְחָד – / בַּחֲרוּ לָכֶם הַפַּר הָאֶחָד.
זֹאת תַּעֲשׂוּ – וְכֵן אֶפְעַל!׳ / וּפַר עָשׂוּ מְתֵי מַעַל – / וַיִּקְרְאוּ בְשֵׁם הַבַּעַל:
׳רְאֵה, מִקְּרֹא גְרוֹנֵנוּ / נִחַר, בְּאֵשׁ חָנֵּנוּ! / הַבַּעַל, עֲנֵנוּ!׳
אָז הַנָּבִיא בְשִׂכְלוֹ / הֵתֵל בְּמִלּוּלוֹ: / ׳כִּי שִׂיחַ וְכִי שִׂיג לוֹ.׳
בְּקוֹל רָם כֻּלָם צוֹרְחִים, / מִתְגּוֹדְדִים נֶאֱנָחִים / בַּחֲרָבוֹת וּבָרְמָחִים.
רָאָה כִּי אֵין שׁוֹמְעָם / קְרָאָם מַשְׂכִּיל טַעַם – / וַיִּגְשׁוּ כָל הָעָם.
מִזְבֵּחַ הָרוּס לְפָנִים / אָז רִפֵּא בְמִנְיָנִים / שְׁתֵּים עֶשְׂרֵה אֲבָנִים.
אֱמוּנַת שַׁדַּי נַעֲלָה / בְּיֹשֶׁר פָּעֳלוֹ גִּלָּה – / וַיַּעַשׂ תְּעָלָה,
יַעֲרֹךְ וְנִתַּח וְשָׂח: ׳פְּנוּ, / וְאַרְבָּעָה כַדִּים תְּנוּ!׳ / וַיֹּאמֶר: ׳שְׁנוּ! וַיִּשְׁנוּ,
רָצוּ וְשִׁלְּשׁוּ כְאֵלֶּה / וּמַיִם – הָחֵל וְכַלֵּה, / וְגַם אֶת הַתְּעָלָה מִלֵּא.