תּוֹחַלְתִּי נִכְזָבָה / וְעֵינִי בִּבְכִי זָבָה,

וְכִי אַזִּיל אֲנִי דִּמְעָה / יְגוֹנִי יַעֲנֶה הָבָה,

אֲשֶׁר שָׁלַח בְּעַצְמוֹתַי / מְדוּרַת אֵשׁ וְלֶהָבָה,

לְאָב יִצְעַק בְּמַעֲצֵבָה / לְעֵת מוֹצָא וְעֵת מוֹבָא:

הַיֶּלֶד אֵינֶנוּ / וַאֲנִי אָנָה אֲנִי בָא,

לְקָרְאִי נִחַר גְּרוֹנִי / וְדָבַק לְחִכִּי לְשׁוֹנִי,

וְאֵין שָׁלוֹם בַּעֲצָמַי / בִּשְׁבוֹר זְרוֹעַ יְמִינִי

וְנִלְקַח מַחְמַד עֵינִי / וְנוֹתַרְתִּי בְּלִי בָבָה.

כְּבֵדִי כְּעָשָׁן יִכְלֶה, / וְלִבִּי עַל יְקוֹד יִצְלֶה,

וְאֵיךְ אֶשְׁקוֹט וְאֵיךְ אֶשְׁלֶה / וְנַפְשִׁי אֶל בְּנִי תִּכְלֶה,

אֲשֶׁר אַצְתִּי לְבַקֵּשׁ נָא / אֲרוּכָה לוֹ, וְאֵין מַעֲלֶה,

וְעַצְמִי כְּרָקָב תִּבְלֶה, / וְעֵינִי שִׁלְּחָה יִבְלֵי

בְכִי, וְלוּ מִתְּהוֹם תִּדְלֶה, / אֲזַי הָיְתָה לְחָרָבָה.