“אֵלִי, אֵלִי לָמָה עֲזַבְתָּנִי?”
יְמָרֵר בַּבֶּכִי יִשְׂרָאֵל הֶעָנִי!
יִשְׁאַל לְתוּמוֹ יַעֲקֹב אִישׁ תָּם:
לָמָה מִכָּל עַם וָעָם
נִפְלִינוּ, אֲנִי וּבֵיתִי?
הֲלֹא מִנְחָה לְעֵשָׂו הֵבֵיאתִי,
מַתָּנוֹת נָתַתִּי לְלָבָן,
לֶאֱדוֹם, רוֹמָא וְיָוָן;
לִבְנֵי קְטוּרָה וּלְיִשְׂמָעֵאל,
כִּי יְדַבְּרוּ שָׁלוֹם אֶל יִשְׂרָאֵל;
וְלָמָה הִתְעַמְרוּ בָנוּ לְהִשְׁתַּעֲבֵּד,
לְהַשְׁמִיד “לַהֲרוֹג וּלְאַבֵּד?”
“אֵלִי, אֵלִי לָמָה עֲזַבְתָּנִי?”
יְשַׁוֵעַ הַמִתְחַנֵן, יְהוּדִי אָנִי!
וְאוֹתְךָ, אֵלִי, עָבַדְתִּי מֵעוֹדִי,
בְּכָל לְבָבִי, בְּנַפְשִׁי, בִּמְאוֹדִי!
לְמַעֲנְךָ יָשַׁבְתִּי אֶל-עַקְרַבִּים,
וְשִׁמְךָ הַגָדוֹל קִדַּשְׁתִּי בָרַבִּים!
כִּי הֶסִיתוּנִי עוֹבְדֵי פְסִילִים
לִכְרוֹעַ בֶּרֶךְ לָאֱלִילִים;
כִּי שִׁחֲדוּנִי חַיִים כֹּפֶר דָתִי,
אֶל הַהֶרֶג הוֹצֵאתִי נִשְׁמָתִי!
וְעַל מַה זֶה אֱלֹהַי שְׁכֵחָנִי,
“אֵלִי, אֵלִי לָמָה עֲזַבְתָּנִי?”
וְחוֹדֵר הַקּוֹל לְחַדְרֵי שְׁחָקִים,
יְחוֹלֵל בַּמָרוֹם רְעָמִים וּבְרָקִים!
יֵחַתּוּ שָׁמַיִם מֵהֲמוֹנָם,
תִּרְעַשׁ הָאָרֶץ מִשְׁאוֹנָם!
יִתְפָּרְצוּ רוּחוֹת וּזְוָעוֹת,
עָבֵי עָבִים יָרִיקוּ דְמָעוֹת
מֵאוֹצַר הַגְשָׁמִים, מֵחֵיק הַנֹאד
עַל הֶחָמָס וְעַל הַשּׁוֹד,
עַל הַהֶרֶג וְעַל הָרֶצַח,
עֲלֵי בִכְיַת עַם הַנֶּצַח,
בְּקָרְאוֹ בַצָּרָה “הַצַּר הֲדִימָנִי”;
אֵלִי, אֵלִי לָמָה עֲזַבְתָּנִי?"
* * *
אַחַר הָרַעַשׁ קוֹל דְמָמָה דַקָּה
יִשָּׁמַע, לֵאמֹר: "תְּפִלָתְךָ הַזַכָּה,
יִשְׂרָאֵל, בְּאָזְנַי עָלָתָה:
חָלִילָה לָאֵל מֵעֲשׂוֹת עַוְלָתָה!
הֲלֹא עִמְךָ הָיִיתִי בְּכָל הַדּוֹרוֹת,
וּלְפָנַי נִגְלוּ כָל הַקּוֹרוֹת
אוֹתְךָ, בֶּן אוֹנִי, מֵאָז וְעַד עָתָּה;
יִסַּרְתִּיךָ, כִּי בְחִירִי אָתָּה!
אַל תֹּאמַר, עֲזַבְתִּיךָ יִשְׂרָאֵל,
חֲבִי כִמְעַט רֶגַע וְתִגָּאֵל!
קְרָא בְּגָרוֹן: אֱלֹהֵי נִחַמְתָּנִי!
“אֵלִי, אֵלִי לֹא עֲזַבְתָּנִי!”