לוגו
אָסִיר מִשְׁתַּחֲוֶה אֶרֶץ אַפָּיִם
מיקום ביצירה:
0%

א

אָסִיר מִשְׁתַּחֲוֶה אֶרֶץ אַפָּיִם

בֹּדֵד בְּאֶרֶץ צִיָה בְלִי מָיִם

אֶרֶץ צִלְצַל כְּנָפָיִם


גָּלָה כָבוֹד וַיִּטּשׁ אֹהֶל וְחָרֵב

דֹּרֵשׁ אוֹר וְהִנֵּה חֹשֶׁך קָרֵב

כִּי יִנָּטוּ צִלֲלֵי עָרֶב


הְִרִחיק בְּדָת אֵל וּמָעֹז בַּאדֹנָי אָצֵל

וַיִשְׁאַף לְיִשְׁעוֹ מָתַי מִשְׁבִי יֵאָצֵל

כְּעֶבֶד יִשְׁאַף צֵל


יוֹם הֵרָאוֹתוֹ וְאֶת דְּבַר הָאֵל יִתְבּוֹנָן

יִסְתּוֹפֵף בְּצֵל עֶלְיוֹן וְיִתְכּוֹנָן

בְּצֵל שַׁדַּי יִתְלוֹנָן


זְרוּיַת עֲדָרִים דַּלַּת רְחֵלִים

חֲבִי רֶגַע הִנֵּה מְאוֹרַיִךְ עֹלִים

עַד שֶׁיָפוּחַ הַיוֹם וְנָסוּ הַצְּלָלִים


טַל אוֹרֹת אַשְׁכִּיב עַל עֹלֵלוֹת

יַחֵל יִשְׂרָאֵל וְאִם יִתְקַדְּרוּ לֵילוֹת

הנְנִי מֵשִׁיב אֶת צֵל הַמַּעֲלוֹת


כַּאֲשֶׁר הֲבַאתִים בִּבְרִית תוֹרָתִי

לָהֵם אֶזְכֹּר עוֹד וְאָשָׂאֵם עַל אֶבְרָתִי

כִּי עַל כֵּן בָּאוּ בְּצֶל קֹרָתִי


יוֹם הִזְהַרְתִּים וְשָמְעוּ דְבָרַי בְּהַר חוֹרֵב

אֶזְכֹּר לֶכְתָּם אַחֲרַי וְיִשְׁעִי אֲקָרֵב

וְסֻכָּה תִּהְיָה לְצֵל יוֹמָם מַחֹרָב


מְשֹׁךְ חַסְדְּךָ לְנִזְהָר בְּדַת קְדֹוֹשׁוֹ

נֹצֵר חֹק סֻכָּה מִסִינַי יְרָשׁוֹ

לִהְיוֹת צֵל עַל רֹאשׁוֹ


סֶלָה מָאַסְתִּי בְּמֹאֲסֵי דָת מַלְכִּי

עֵדוּתוֹ שָׁמַרְתִּי וָאֶסְתַּפֵּחַ בְּסֻכִּי

בְּצִלוֹ חִמַדְתִּי וִיָשַׁבְתִּי וּפִרְיוֹ מָתוֹק לְחִכִּי


פָּנֵיךָ הָאֵר בְּרָצוֹן אֶל בָּנֶיךָ

צוּר מְבַשֵׂר טוֹב יַשְׁמִיעַ צֹאנֶךָ

אֲדֹנָי צִלְךָ עַל יַד יְמִינֶךָ


יְמִינְּךָ הַרְאֵה וְיֵרוֹמוּ דְגָלֶיהָ

הָאֹמֵר לַחֶרֶס וְלֹא יִזְרָח וְיֹדֵעַ שְׁבִילֶיהָ

הַמֵאִיר לָאָרֶץ וְלַדָּרִים עָלֶיהָ.