בְּאֵל תָּרוּם יְמִינֶךָ / וְעָלָיו בִּטְחוֹנֶךָ
וְהָעֹשֶׁר וְהַכָּבוֹד / פְּקִידִים עַל אֲרוֹנֶיךָ
וְתָמִיד לִבְּךָ נָדִיב / וְחֶ[סֶ]ד עַל לְשׁוֹנֶךָ
וְגָדַל חַסְדְּךָ עָלַי / כְּגֹדֶל רַעֲיוֹנֶיךָ
וְאֶחְשֹׁב כִּי חֲשַׁבְתַּנִי / כְּמוֹ יֶלֶד זְקוּנֶיךָ
וְהָיִיתִי כְּמוֹ חוֹתָם / עֲלֵי אֶצְבַּע יְמִינֶךָ
וְסַרְתִּי מֵעֲלֵי יָדָךְ / וְזֹאת מֵאֵין רְצוֹנֶךָ
הֲבָגַדְתָּ, יְדִ[יד] נַפְשִׁי, / הֲבָגַדְתָּ בְּבָנֶיךָ
הֲשָׁכַחְתָּ אֱמוּנָתִי / בְּיוֹם עָמְדִי לְפָנֶיךָ
הֲלֹא אַתָּה נְטַעְתַּנִי / וְצָמַחְתִּי בְגַנֶּךָ
וְלָמָּה לֹא דְרַשְׁתַּנִי / וְהִנְנִי לְעֵינֶיךָ
וְהָיִיתִי כְּעֵץ שָׁתוּל / עֲלֵי נַחְלֵ[י עֲדָנֶיךָ]
ני? / חֲבַצֶּלֶת שְׁרוֹנֶיךָ
וְעַתָּה שׁוֹבנֶיךָ
אֲנִי אֶכְתֹּב שְׁבָחֶיךָ / אֲנִי אֶלְקֹט פְּנִינֶיךָ
וְאִם אַתָּה כְּמוֹ מֶלֶךְ - / אֲנִי אַחַד סְגָנֶיךָ
וְאִם אַתָּה כְּמוֹ שַׁחַר - / פְּרֹשׂ עָלַי עֲנָנֶיךָ וְאִם אַתָּה כְּמוֹ אָדוֹן - / אֲנִי עֶבֶד לְפָנֶיךָ.