הֲלֹא תִבְכּוּ, בְּנֵי גָלוּת, הֲמוֹנָי, / הֲלֹא תִבְכּוּ לְצִיּוֹן עִיר אֲדֹנָי
עֲשׂוּ מִסְפֵּד וְהֵילִילוּ בְאֶפְרָת / וְהַשְׁמִיעוּ בְּבֵית לֶחֶם, אֱמוּנָי
לְבַת צִיּוֹן בְּאָזְנֵינוּ זְעָקָה / מְעוֹרֶרֶת בְּכָל קֶרֶת יְגוֹנָי
מְצָאוּנִי קְרָאוּנִי עֲווֹנַי / וְקָם כַּחְשִׁי וְגַם עָנָה בְּפָנָי
וְאֵיכָה אַחֲרִישׁ, בָּנַי, וְאֶדֹּם / וְאֵיכָה אֶתְּנָה פוּגַת לְעֵינַי
וְאֵיךְ לֹא אֶעֱשֶׂה מִסְפֵּד וְאֶבְכֶּה / בְּכוֹת
חֶשְׁבּוֹן וְאֶלְעָלֵה שְׁכֵנָי ־
וְסָר צִלִּי אֲשֶׁר הֵסַךְ לְרֹאשִׁי / וּמֵת מַלְכִּי אֲשֶׁר עָבַר לְפָנָי
וְהוּרַם מֵעֲלֵי רֹאשִׁי עֲטָרָה / וְהוּסַר הָעֲנָק מִצַּוְּרוֹנָי
וְסָר הַנִּיר אֲשֶׁר נִשְׁאַר לְדָוִד / וְשַׁח דֶּגֶל אֲשֶׁר אָסַף גְּאוֹנָי.
בְּנֵי דָוִד, שְׂאוּ נֵזֶר וְעֵדוּת / וְשִׁבְרוּ פַךְ אֲשֶׁר בּוֹ רֹאשׁ שְׁמָנָי
לְמִי זֶה אֲחֲרָיו תֵּאוֹת מְלוּכָה / וּמִי יֵשֵׁב עֲלֵי כִסֵּא אֲדֹנָי
וּמִי יִשְׁפֹּט עֲנִיֵּי עַם בְּצֶדֶק / וּמִי יַרְוֶה בְּמֵימָיו צִמְּאוֹנָי
וְאַיֵּה רַב אֲשֶׁר יִהְיֶה כְהַאיֵי / וְאַיֵּה הַר אֲשֶׁר יִהְיֶה כְסִינָי?