יְדִידִי, נַהֲלֵנִי עַל גְּפָנִים / וְהַשְׁקֵנִי וְאֶמָּלֵא שְׂשׂוֹנִים
וְכוֹסוֹת אַהֲבָתָךְ יִדְבְּקוּ בִי / וְאוּלַי הֵם יְנִיסוּן הַיְּגוֹנִים.
וְאִם תִּשְׁתֶּה בְּאַהְבָתִי שְׁמוֹנֶה / אֲנִי אֶשְׁתֶּה בְּאַהְבָתָךְ שְׁמוֹנִים.
וְאִם אָמוּת לְפָנֶיךָ, יְדִידִי, / חֲצֹב קִבְרִי בְּשָׁרְשֵׁי הַגְּפָנִים
וְשִׂים רַחְצִי בְּמֵימֵי הָעֲנָבִים / וְחָנְטֵנִי בְּחַרְצַנִּים וְזַנִּים
וְאַל תִּבְכֶּה וְאַל תָּנוּד לְמוֹתִי / עֲשֵׂה כִנּוֹר וְעוּגָבִים וּמִנִּים
וְאַל תָּשִׂים עֲלֵי קִבְרִי עֲפָרִים / אֲבָל כַּדִּים חֲדָשִׁים עִם יְשָׁנִים.