לוגו
אַכֶּה כַפִּי
פרק:
מיקום ביצירה:
0%
X
F
U

גּוּרוּ מִיּוֹם מִשְׁפָּט / וּבוֹאוּ לְיוֹם הַמִּשְׁפָּט / כִּי בָאֵשׁ יְיָ נִשְׁפָּט


אַכֶּה כַפִּי / עַל רֹב אַכְפִּי

אַךְ לִי תַקְרִיב / וְתַגִּישׁ לָרִיב / וְאוֹתִי תָבִיא בְמִשְׁפָּט


נוֹחַל סַרְעַף / וְכָלָה עַפְעַף

נִבְהַל רַעְיוֹן / בְּקָרְאִי חֶזְיוֹן / וְקָרַבְתִּי אֲלֵיכֶם לַמִּשְׁפָּט


יוֹם בּוֹא נוֹשֶׁה / בְּמוֹ דִין קָשֶׁה /

יְצוּרִים יַרְעִישׁ / וְאוֹתָם יַגִּישׁ / לַעֲשׂוֹת בָּהֶם מִשְׁפָּט


שַׁדַּי מוֹרֶה / לִשְׁלָשׁ עֶשְׂרֵה

שְׁקָל נָא פֶשַׁע / בְּמֹאזְנֵי יֶשַׁע / וְאַל תָּבוֹא בְמִשְׁפָּט


לָכֵן תַּחְמֹל / וְחֶסֶד תִּגְמֹל

לְמַעַן תִּצְדַּק / מֵאָבָק דַּק / הַמְּתַעֲבִים מִשְׁפָּט


מָה אֱנוֹשׁ נָמֵס / יַהֲלֹךְ תֶּמֶס

מִיּוֹם נוֹצַר / עַוְלָה קָצַר / וְהֻשַּׂג אָחוֹר מִשְׁפָּט


הִנְנוּ נְצַפֶּה / חֶסֶד כְּלַפֵּי

הֲכִי מִהַרְתָּ / וְלָנוּ הִזְהַרְתָּ / כִּי יְיָ אוֹהֵב מִשְׁפָּט


הַצּוּר תָּמִים / בְּמִדַּת רַחֲמִים

הַכֹּל יְנַהֵג / צְדָקָה לוֹהֵג / כִּי כָל דְּרָכָיו מִשְׁפָּט


קַל וָחֹמֶר / קְרוּצֵי חֹמֶר

קָדוֹשׁ לְמוּלָם / אַל תָּשֵׁב גְּמוּלָם / הֲשׁוֹפֵט כָּל הָאָרֶץ לֹא יַעֲשֶׂה מִשְׁפָּט


טַהֵר לֵבָב / פֶּתִי וְשׁוֹבָב

טוּבְךָ תָמֹד / כִּי כֵן לִלְמֹד / יַדְרֵךְ עֲנָוִים בַּמִּשְׁפָּט


נַקֵּה תְנַקֶּה / פֶּשַׁע מְחֻקֶּה

נְסוֹגִים כְּחֶדֶק / תִּשְׁפֹּט בְּצֶדֶק / וַעֲנִיֶּיךָ בְמִשְׁפָּט


חֶרְפָּה תָסֵר / צֶדֶק תְּבַשֵּׂר

זָדוֹן תְּכַלֶּה / קָמִים תְּבַלֶּה / תַּעֲשֶׂה בְרוֹדְפֵי מִשְׁפָּט.