תָּעָה לְבָבִי אַחֲרֵי הַתֹּהוּ / וְתוּשִׁיָּה נִדְּחָה מִמֶּנִּי
עָזַבְתִּי אָרְחוֹת יֹשֶׁר / וּבְהַבְלֵי עוֹלָם נִסְמַכְתִּי
כְּסָלַי מָלְאוּ נִקְלֶה / וּמֹחַ עַצְמוֹתַי מִרְמָה
עֲטִינַי מָלְאוּ זִמָּה / טָבְעוּ רַעְיוֹנַי בִּמְצוּלוֹת חֵטְא
כִּלְיוֹתַי כָּלוּ מֵאָוֶן וּמִרְמָה / וּמִתֹּךְ וּמֵחָמָס יַחְדָּו אֻמְלָלוּ
שֶׁקֶר גַּם שָׁוְא וּדְבַר כָּזָב / יַחְדָּו יִכּוֹנוּ עַל שְׂפָתַי
מֵאֲנָה לִנְגֹּעַ נַפְשִׁי / דִּבְרֵי חֲכָמִים וְחִידוֹתָם
לֹא יִישְׁנוּ יְצוּרַי אִם לֹא יָרֵעוּ / וְנִגְזְלָה שְׁנָתָם אִם לֹא יַכְשִׁילוּ
עָרֹם הִצִּיגוּנִי מִבְּלִי צְדָקָה / כְּמַדִּי הִלְבִּישׁוּנִי פֶּשַׁע וּפוּקָה
בִּשְׁאוֹן גַּלֵּיהֶם עֲלֵיהֶם הִגְדַּלְתִּי / שָׂחוּ זִמּוֹתַי וְשׁוּב לֹא יָכֹלְתִּי
עַל כֵּן בָּאתִי לְהוֹדוֹת לְפָנֶיךָ / אוּלַי אוּכַל לַעֲלוֹת מִבּוֹר שְׁאוֹנָם
וְהִנְנִי שׂוֹחֶה נֶגֶד הֲדוֹם רַגְלֶךָ / וּמִתְוַדֶּה נֹכַח אֲרוֹן עֻזֶּךָ
וּמַבְהִיל עֲצָמַי עַל עֹצֶם אֲשָׁמַי / וּמַזִּיל דְּמָעַי עַל רֹב פְּשָׁעַי
וּמִתְחָרֵט בְּלִבִּי עַל עֲווֹן חֻבִּי / וּבוֹכֶה בְמִסְתָּרִים עַל חֵטְא נְעוּרִים
כִּי לְגַלּוֹתָם בְּשָׂפָה לֹא אוּכַל שְׂאֵת / וּלְזָכְרָם בְּלָשׁוֹן לֹא אֶעְצָר כֹּחַ
כִּי אִם אָבוֹא לְפָרֵט מִקְצָתָם / הַזְּמַן יִכְלֶה וְהֵם לֹא יִכְלוּ
עַל אֵי זֶה מֵהֶם אֶדְרֹשׁ אוֹ אֲבַקֵּשׁ / עַל אֵי זֶה מֵהֶם אֶתְבַּע אוֹ אֶתְוַדֶּה
עַל הַזְּדוֹנוֹת אוֹ עַל הַשְּׁגָגוֹת / עַל הַחֲבוּיוֹת אוֹ עַל הָרְאוּיוֹת
יוֹדֵעַ אֲנִי בְנַפְשִׁי יְיָ אֱלֹהַי / כִּי רֵק לִקְחִי מִנִּי צֶדֶק
אֲשֶׁר שָׂנֵאתָ אָהַבְתִּי / וַאֲשֶׁר אָהַבְתָּ שָׂנֵאתִי
אֲשֶׁר רִחַקְתָּ קֵרַבְתִּי / וַאֲשֶׁר קֵרַבְתָּ רִחַקְתִּי
אֲשֶׁר אָסַרְתָּ הִתַּרְתִּי / וַאֲשֶׁר הִתַּרְתָּ אָסַרְתִּי
אָהַבְתִּי רַע מִטּוֹב / שֶׁקֶר מִדַּבֵּר צֶדֶק סֶלָה
פָּנִיתִי אֶל רְהָבִים וְשָׂטֵי כָזָב / וְאַחֲרֵי בִצְעִי לִבִּי הוֹלֵךְ
אָשַׁמְתִּי [בְתוֹרָתֶךָ] נִאַצְתִּי מֵעֲשׂוֹת
חֻקֶּיךָ / גָּעַלְתִּי [דְבָרֶךָ] מָאַסְתִּי מִשְׁפְּטֵי צִדְקֶךָ
הֵפַרְתִּי בְרִית וּבִטַּלְתִּי מִצְוָה / זָרַעְתִּי אָוֶן חָרַשְׁתִּי מַעֲוָה
טָפַלְתִּי שֶׁקֶר יָעַצְתִּי דִבָּה / כִּזַּבְתִּי לַצְתִּי מָלֵאתִי חוֹבָה
נָעַלְתִּי סָגַרְתִּי עָלַי פִּתְחֵי הַתְּשׁוּבָה / צָרַרְתִּי חַטָּאתִי קָשַׁרְתִּי מִרְמָה
רָדַפְתִּי שִׁחַתִּי תָּאַבְתִּי זִמָּה / שָׁגִיתִי לוֹצַצְתִּי מָעַלְתִּי הִגְדַּלְתִּי עָווֹן פְּלִילִי
חָטָאתִי זַדְתִּי וְיָשָׁר הֶעֱוֵיתִי / קַצְתִּי בְכָל מִצְווֹתֶיךָ וְלֹא שָׁוָה לִי
בְּעַזּוּת מֵצַח בָּאתִי לְבַקֵּשׁ סְלִיחָה / וְלִתְבֹּעַ מְחִילָה עַל כֹּבֶד עֲווֹנִי
אֲבָל עַל רֹב רַחֲמֶיךָ נִשְׁעַנְתִּי / וָאֵדַע כִּי לֹא אֵבוֹשׁ
וָאֶשָּׂא בְיָדִי מִנְחָה מִשִּׁיר עֶרֶב / וָאָבוֹא לִדְפֹּק דַּלְתֵּי רַחֲמֶיךָ
וָאֶקַּח עִמִּי זְכוּת אֲבוֹתַי / וְחַסְדֵּי נְבִיאַי הַקַּדְמוֹנִים
וָאֶחְקֹר וָאֶחְפֹּשׂ סִתְרִי / וָאֶתפֹּר קֶרַע חִסְרִי
וָאֹמַר אוֹדֶה עֲלֵי פְשָׁעַי נֶגְדְּךָ / אוּלַי תִּשָּׂא עֲווֹן חַטָּאתִי סֶלָה
וּבְעָמְדִי לְפָנֶיךָ רָחֲפוּ כָּל עַצְמוֹתַי / וְנִבְהֲלוּ קְרָבַי וְנִתְּקוּ זִמּוֹתַי
וַיֶּחֱרַד לִבִּי וַיִּתַּר כְבֵדִי / וַיִּמְעֲדוּ אֲשׁוּרַי וַתִּרְפֶּינָה יָדָי
יָגֹרְתִּי כָל עַצְּבוֹתָי / יָדַעְתִּי כִּי לֹא תְנַקֵּנִי
אֲדֹנָי שְׂפָתַי תִּפְתָּח / וּפִי יַגִּיד תְּהִלָּתֶךָ.