שְׁטָר עָלַי בְּעֵדִים וְקִנְיָן / לְשַׁלֵּם מָחֳרָת הַמִּנְיָן / וְהָיָה יְיָ לְדַיָּן
- - - - - - - - -
אֲזַי בְּחָשְׁבִי לְמֵרָחוֹק / בָּכִיתִי לִבְלִי חֹק / עֵת לִבְכּוֹת וְעֵת לִשְׂחֹק
נָפְלָה עָלַי חֲרָדָה / בְּזָכְרִי יוֹם הַקְּפָדָה / פַּחַד קְרָאָנִי וּרְעָדָה
יַעַן שְׁרִירוּת לְבָבִי / דָאַגְתִּי בְמַחְשָׁבִי / כִּי אֵיךְ אֶעֱלֶה אֶל אָבִי
שֹׁד לְמִי רַב זְדוֹנֵהוּ / יוֹם יְבֻקַּשׁ עֲווֹנֵהוּ / וְחִשַּׁב עִם קוֹנֵהוּ
לְיוֹם לֹא יִשָּׂא פְנֵי שָׂר / בְּהִתְנַגֵּשׁ לַמּוּסָר / הַנֶּפֶשׁ עִם הַבָּשָׂר
מִשְׁפְּטֵיהֶם וְדִינֵיהֶם / עַד הָאֵל אֲדוֹנֵיהֶם / יָבוֹא דְבַר שְׁנֵיהֶם
הַנֶּפֶשׁ תְּמַהֵר תְּשׁוּבָה / אֵין עָלַי חַטָּאת כְּתוּבָה / צִדְּקָה נַפְשָׁהּ מְשׁוּבָה
הַרְפֵּנִי וְעָזְבֵנִי / הֲלָרִיב תַּצִּיבֵנִי / הוֹדִיעֵנִי עַל מַה תְּרִיבֵנִי
קְדוֹשִׁי לֹא אֲהֵבָנִי / כִּי בְמַסְגֵּר הֱבִיאָנִי / בְּמַחֲשַׁכִּים הוֹשִׁיבַנִי
טֶנֶף גּוּף טוֹרַחַת / וּמִנְּבֵלָה סוֹרַחַת / אָנֹכִי בּוֹרַחַת
נִלְאֵיתִי מְאֹד כַּלְכֵּל / כִּי הַגּוּף הַנּוֹכֵל / הִשִּׂיאַנִי וָאֹכֵל
בְּכָל חֵטְא יִתְגַּלֵּעַ / וְאוֹתִי בְכַף קוֹלֵעַ / לֹא הֵשִׁיב יָדוֹ מִבַּלֵּעַ
רְעָצַנִי הֱנִיאָנִי / וְלַשַּׁחַת קְרָאָנִי / אַךְ עַתָּה הֶלְאָנִי
בְּכָל תַּאֲוָה הוּא נֶאֱסָר / וּמַאֲכָל וּמַשְׁקֶה לֹא סָר / וּבֶטֶן רְשָׁעִים תֶּחְסָר
יָגוּף לְטַמֵּא עַצְמוֹ / יַעַן כִּי הוּא כִּשְׁמוֹ / נָבָל שְׁמוֹ וּנְבָלָה עִמּוֹ
יְצוּדֵנִי פוֹתֵעַ / וְהוּא בְּתִתּוֹ מַלְתֵּעַ / בְּעֵינָיו כִּמְתַעְתֵּעַ
הֵן חֶטְאוֹ לֹא יְסֻפָּר / לָכֵן יָכְלַם וְְיָכְפָּר / כְּדֵי רִשְׁעָתוֹ בְּמִסְפָּר
וּמִמֶּנִּי אַל תִּפְרַע / וּמוּסַר גֵּו אַל תִּגְרַע / כִּי כֻלּוֹ חָנֵף וּמֵרָע
דִּבֶּר גּוּף לְהִוָּשַׁע / חֲדַל מִמֶּנִּי וְהָשַׁע / זַךְ אֲנִי בְּלִי פֶשַׁע
הֵן כְּאֶבֶן מַעֲמָסוֹת / מָלֵא בוּז וְקַלָּסוֹת / וּמַה יָּכֹלְתִּי עֲשׂוֹת
גַּם אֲנִי נִשְׁכַּל שָׁכוֹל / דּוֹמֶה לְעֵץ הָאֶשְׁכֹּל / אֲשֶׁר לֹא יִצְלַח לַכֹּל
בְּלִי נֶפֶשׁ אֵחָשֵׁב / כְּבַיִת מִבְּלִי יוֹשֵׁב / וְאֵין עוֹנֶה וְאֵין קָשֵׁב
יַעַן אַשְׁכִּים וְאַאֲמִישׁ / מֻשְׁלָךְ כְּמוֹ חַלָּמִישׁ / מִמְּקוֹמוֹ לֹא יָמִישׁ
רֹאשׁ הַפְּקֻדָּה כֻלָּהּ / עַל נֶפֶשׁ וּמַעֲלָלָהּ / שַׁלְּמוּ לָהּ כְּפָעֳלָהּ
וּשְׂאִי נַפְשִׁי מִרְיֵךְ / וְאִכְלִי נָא אֶת פִּרְיֵךְ / וְשַׁלְּמִי אֶת נִשְׁיֵךְ
לְכָל רַע לֹא צָמֵאתִי / אֲבָל אֲנִי בָךְ נִדְמֵיתִי / אֵיךְ תֹּאמְרִי לֹא נִטְמֵאתִי
מַחְשְׁבוֹתַיִךְ הֵבִינוּ / וְיָדַיִךְ הֵכִינוּ / וְנַחְנוּ מַה כִּי תַלִּינוּ
אֲמֵלִים אֲשֶׁר רָגָשׁוּ / וְצֶדֶק לֹא פָגָשׁוּ / אֶחָד בְּאֶחָד יִגָּשׁוּ
לֵב דּוֹרֵשׁ וּמַעְבָּדָיו / יַחְבִּיר שְׁנֵיהֶם עָדָיו / וּבָעֲרוּ שְׁנֵיהֶם יַחְדָּו
קִלְקוּל עֲווֹנָם יוּסָר / וְלֹא יִכְבַּד הַמּוּסָר / בְּשַׁגַּם הוּא בָשָׂר
יָהִיר שְׁרִירוּת יַחְמֹד / אִם כְּמִפְעָלוֹ תָמֹד / אֲדֹנָי מִי יַעֲמֹד
חֲשֹׂךְ זַעַם אֵימָתְךָ / וְאַל תְּיַסֵּר בַּחֲמָתְךָ / וְיִנָּפֵשׁ בֶּן אֲמָתְךָ
קְרַב נָא לְהַרְוִיחֵנִי / וְיוֹם לְרִיב תִּקָּחֵנִי / אַל בְּאַפְּךָ תוֹכִיחֵנִי.