- - - -
יְיָ מָה אָדָם / הֲלֹא בָשָׂר וָדָם
יָמָיו כְּצֵל עוֹבֵר / וְלֹא יֵדַע בְּנוּדָם / פִּתְאֹם יָבוֹא אֵידוֹ / וְיִשְׁכַּב וְיֵרָדֵם
יְיָ מָה אָדָם / גֵּו נִרְפָּשׁ וְנִרְמָס
מָלֵא תֹךְ וּמִרְמָה / וְגַם אָוֶן וְחָמָס
כְּצִיץ נוֹבֵל יָצָא / וְחַם הַשֶּׁמֶשׁ וְנָמָס
אִם תִּפְקֹד עָלָיו / עֲווֹנוֹ הַנִּכְמָס
אַפְּךָ וְגַם קִצְפְּךָ / אֵיךְ יִשָּׂא וְעָמָס / לָכֵן חֲמֹל וּגְמֹל / כִּי אֵין לְאֵל יָדָם
יְיָ מָה אָדָם / בַּטִּיט יִתְגּוֹלֵל
בְּשֶׁקֶר יִתְהַלֵּל / וּבְשָׁוְא יִתְהוֹלֵל
הֲטָהוֹר מִטָּמֵא / וְיָקָר מִזּוֹלֵל
אִם תִּפְקֹד עָלָיו / עֲווֹן יֵצֶר מְעוֹלֵל
כְּמוֹ עֵשֶׂב יִיבַשׁ / וְכֶחָצִיר יְמוֹלֵל / לָכֵן חֲמֹל וּגְמֹל / חֶסֶד בְּיוֹם אֵידָם
יְיָ מָה אָדָם / יָהִיר וְלֹא נִחָם
מֵי חָמָס יִשְׁתֶּה / וְלֶחֶם רַע יִלְחָם
וְכַיָּם הוּא נִגְרָשׁ / וְכַתַּנּוּר יֵחָם
אִם תִּפְקֹד עָלָיו / חֵטְא אֲשֶׁר בּוֹ יֻחָם
יִסָּפֶה כְּחַלָּשׁ / עִם גִּבּוֹר נִלְחָם / לָכֵן חֲמֹל וּגְמֹל / וְכַפֵּר מַעְבָּדָם
יְיָ מָה אָדָם / רַק נִתְעָב וְנֶאֱלָח
כָּל הַיּוֹם יִבְגֹּד / וּפִיו בְּרָעָה יִשְׁלָח
אִם תִּפְקֹד עָלָיו / עֲווֹנוֹ הַנִּדְלָח
כַּבֶּגֶד יִבְלֶה / וְכֶעָשָׁן נִמְלָח
לָכֵן חֲמֹל וּגְמֹל / וְכַפֵּר נָא וּסְלַח / לְשׁוֹכְנֵי בָתֵי חֹמֶר / אֲשֶׁר בְּעָפָר יְסוֹדָם
יְיָ מָה אָדָם / וְהוּא כָעֵץ נִקְסָס
בְּבוֹא אַמַּת בִּצְעוֹ / יְהִי כְמוֹ קַשׁ מְרֻסָּס
וְיִבְכֶּה מֵאֲשְֶׁר שָׂשׂ / יוֹם יִרְקַב כְּמוֹ סָס
אִם תִּפְקֹד עָלָיו / עֲווֹנוֹ הַנִּכְסָס
כְּמוֹ שַׁבְּלוּל יַהֲלֹךְ / וְכַדּוֹנַג נִמְסָס / לָכֵן חֲמֹל וּגְמֹל / וְאַל תְּדַקְדֵּק בַּעֲדָם
יְיָ מָה אָדָם / לְבַד נִדָּף כְּעָלֶה
בְּמֹאזְנַיִם לַעֲלוֹת / בַּהֶבֶל יְסֻלֶּה
וְכִכְלוּב מָלֵא עוֹף / כֵּן מִרְמָה מָלֵא
אִם תִּפְקֹד עָלָיו / וְעַל לִבְּךָ יַעֲלֶה
כְּמוֹ עָשָׁן יִכְלֶה / וּכְרָקָב יִבְלֶה / לָכֵן חֲמֹל וּגְמֹל / כְּחַסְדְּךָ לֹא כְחַסְדָּם.