נַפְשִׁי דְּעִי מַה תִּפְעֲלִי / טֶרֶם לְצוּרֵךְ תַּעֲלִי
שׁוּבִי לְכִי מִמַּעֲלִי / חֶטְאֵךְ וְחוֹבַיִךְ גְּלִי
בּוֹאִי בְחַדְרֵךְ וּסְגוֹר / דַּלְתֵי פְשָׁעִים נַעֲלִי
תַּחַת כְּנַף צוּרֵךְ חֲבִי / עַד יַעֲבֹר עֵת זַחֲלִי.
הוֹדִי עֲלֵי פִשְׁעֵךְ לְצוּר / עֻזֵּךְ וְאָז תִּנָּצְלִי
וּרְאִי פְקֻדַּת רֹב עֲווֹן / וְעוֹד לֹא תִמְעֲלִי
קוּמִי בְעוֹד לַיִל וְאַל / תִּתְיַשְּׁנִי תִּתְעַצְּלִי
רֹנִּי וְשִׁירָה דַבְּרִי / הַלֵּל וְזִמְרָה מַלְּלִי.
לִפְנֵי אֱלֹהַיִךְ שְׁחִי / הִשְׁתַּטְּחִי הִתְנַפְּלִי
הִתְבּוֹנְנִי הִכּוֹנְנִי / הִתְרוֹנְנִי הִתְפַּלְּלִי
הִתְנַעֲרִי הִתְעוֹרְרִי / הִשְׂתָּעֲרִי הִתְחוֹלְלִי
צֶדֶק וּמִשְׁפָּט בַּקְּשִׁי / גַּם הָעֲנָוָה שַׁאֲלִי.
אוּלַי יְחָנֵּךְ צוּר וְלֹא / תֵרְדִי אֱלֵי שַׁחַת בְּלִי
לָמָּה יְחִידָתִי וְעַל / מַה זֶּה וְהֶבֶל תֶּהְבְּלִי
הִתְאַזְּרִי הִתְעַזְּרִי / הִנָּזְרִי הֵאָצְלִי
עִזְבִי הֲבֵל עוֹלָם וְלֹא / עַל רַהֲבוֹ תִּתְאַבְּלִי.
אִם תִּשְׁמְעִי מוּסָר וְגַם / בִּנְתִיב יְשָׁרִים תִּנְהֲלִי
טוּב הָאֲדָמָה תֹּאכְלִי / חַיִּים וְכָבוֹד תִּנְחֲלִי
מֵאֵת אֲדוֹנַיִךְ וְגַם / בּוֹ תִּצְדְּקִי תִּתְהַלְּלִי
אִם תִּמְאֲנִי תִּמָּנְעִי / מִטּוֹב וְרַע תִּתְעוֹלְלִי
נֶגַע וְקָלוֹן תִּמְצְאִי / חֶרְפָּה וּבוּז לֹא תֶחְדְּלִי.
זִכְרִי בְיוֹם הַדִּין וְאַל / תִּסְתַּכְּלִי וּתְהוֹלְלִי
עַל פָּעֳלֵךְ הַטּוֹב וְגַם / הָרַע פְּנֵי צוּר תִּשְׁאֲלִי
תִּתְפַּלְלִי תִּתְנַפְּלִי / וּבְתֹף לְפָנָיו חַלְּלִי
אִם תִּפְעֲלִי טוֹב לָךְ וְלִי / אַל תֵּלְכִי בֵית הָאֱלִי
[עַד] בֵּית אֱלֹהַי אֶהֱלִי / תַּעְדִּי חֳלִי תַּעֲדִּי חֲלִי.