מִי כָמוֹךָ שׁוֹכֵן בְּגָבְהֵי מְרוֹמִים

שׁוֹמֵר נַפְשׁוֹת יְקוּמִים / נוֹצֵר הָאָדָם

מִי כָמוֹךָ לוֹבֵשׁ בְּעֻזּוֹ צְדָקוֹת

מְגַלֶּה פִלְאֵי עֲמֻקּוֹת / יוֹדֵעַ מַחְשְׁבוֹת אָדָם

מִי כָמוֹךָ מוֹשֵׁל בִּגְבוּרָתוֹ עוֹלָם

מְחַיֶּה יְצוּרִים כֻּלָּם / וְיוֹצֵר רוּחַ אָדָם

מִי כָמוֹךָ הַנּוֹתֵן לְכָל חַי נְשָׁמָה

וּמֵשִׂים אוֹתוֹתָיו בַּאֲדָמָה / וּבְיִשְׂרָאֵל וּבָאָדָם

אַזְכִּיר בְּפַחַד וּמוֹרָא / גְּדֻלַּת אַדִּיר וְנוֹרָא

אֲלֵיכֶם אִישִׁים אֶקְרָא / וְקוֹלִי אֶל בְּנֵי אָדָם

בָּרָא רוֹכֵב עֲרָבוֹת / שְׁלֹשִׁים וּשְׁתַּיִם נְתִיבוֹת

אֲמָרוֹת צְרוּפוֹת קְצוּבוֹת / לְהוֹדִיעַ לִבְנֵי הָאָדָם

גָּזַר בְּכִסְאוֹ לִקְשֹׁר / אַרְבַּע חַיּוֹת בְּמִישׁוֹר

נֶשֶׁר אַרְיֵה וָשׁוֹר / וּדְמוּת כְּמַרְאֵה אָדָם

דֹּק וּצְבָאָיו תִּכֵּן / גַּלְגַּל עָגֹל מַעֲשֵׂה כֵן

וְצָבָא בַּמָּרוֹם שִׁכֵּן / וְהָאָרֶץ נָתַן לִבְנֵי אָדָם

הָאֲדָמָה חָצִיר הִפְרִיא / וְעוֹף בַּמָּרוֹם הִמְרִיא

וְעֵץ עוֹשֶׂה פְּרִי / וְעֵשֶׂב לַעֲבוֹדַת הָאָדָם

וּכְמוֹ הִשְׁלִים עִנְיָן / וַתִּמָּלֵא הָאָרֶץ קִנְיָן

חָתַם תָּכְנִית בִּנְיָן / וַיִּבְרָא אֱלֹהִים אֶת הָאָדָם

זָרַח עָלָיו הוֹדוֹ / וְהִשְׁלִיט בַּכֹּל יָדוֹ

וְנָטַע גִּנַּת יְסוֹדוֹ / וַיָּשֶׂם שָׁם אֶת הָאָדָם

חַנּוּן צַלְעוֹ סִלָּה / וּבָשָׂר תַּחְתֶּנָּה מִלָּא

וְהִפְאִיר צוּרַת כַּלָּה / וַיְּבִיאֶהָ אֶל הָאָדָם

טָהוֹר עָלָיו צִוָּה / הַרְחֵק מֵעֵץ תַּאֲוָה

הִשָּׁמֵר וּשְׁמֹר מִצְוָה / כִּי זֶה כָּל הָאָדָם

טוּב טַעְמוֹ הֵפַר / וַעֲלֵה תְּאֵנָה תָפַר

הֱשִׁיבוֹ שַׁדַּי לְעָפָר / וַיְגָרֶשׁ אֶת הָאָדָם

יָהִיר נִמְאַס עֶרְכּוֹ / וַיָּקָם אֶל אָחִיו וַיַּכּוֹ

וְכָל בָּשָׂר הִשְׁחִית דַּרְכּוֹ / וַיֹּאמֶר יְיָ אֶמְחֶה אֶת הָאָדָם

כִּלָּה דוֹר צוֹחֵן / תּוֹכֵן לִבּוֹת וּבוֹחֵן

וְנֹחַ מָצָא חֵן / בְּעֵינֵי אֱלֹהִים וְאָדָם

לֵב עַלִּיזִים גָּדַל / לְבַצֵּר מָעֹז וּמִגְדָּל

וַיֵּרֶד יְיָ לִרְאוֹת אֶת הָעִיר וְאֶת הַמִּגְדָּל / אֲשֶׁר בָּנוּ בְּנֵי הָאָדָם

מִגְדַּל עֻזָּם הִפִּיל / וּבָלַל שְׂפַת עַם הֶעְפִּיל

וְהֵפִיץ אוֹתָם וְהִשְׁפִּיל / עֵינֵי גַבְהוּת אָדָם

נָגַהּ אֶזְרָח וְנָהָר / וּבָא מֵעֵבֶר הַנָּהָר

וְהוּא בֶן שָׁלֹשׁ נִזְהָר / וַיֶּחְכַּם מִכָּל אָדָם

סָמַךְ אֶת יָדוֹ / עַל רֹאשׁ בְּנוֹ יְחִידוֹ

קְרָאוֹ צוּר יְלָדוֹ / יָפְיָפִיתָ מִבְּנֵי אָדָם

עָבַר בְּמַקְלוֹ נְחָלִים / תָּם יוֹשֵׁב אֹהָלִים

שָׁב וּבְיָדוֹ דְגָלִים / נֶגֶד בְּנֵי אָדָם

פָּרְצוּ לָרֹב בָּאָרֶץ / וּבְנֵי מֹף חָרְצוּ חֶרֶץ

לֶאֱכֹל עֲנִיִּים מֵאֶרֶץ / וְאֶבְיוֹנִים מֵאָדָם

צָעֲקוּ מִן הַמֵּצַר / לָאֵל הָעוֹנֶה בַצָּר

הָבָה לָנוּ עֶזְרַת מִצָּר / וְשָׁוְא תְּשׁוּעַת אָדָם

קָדוֹשׁ גָּאוֹן תַּעְדֶּה / וַהֲדֹף רְשָׁעִים וּרְדֵה

אַךְ פָּדֹה תִפְדֶּה / אֵת בְּכוֹר הָאָדָם

רָאָה צָרַת בָּנָיו / וְשָׁלַח מַלְאַךְ פָּנָיו

וְהָאִישׁ מֹשֶׁה עָנָו / מְאֹד מִכֹּל אָדָם

שַׁדַַּי חִזֵּק זְרוֹעוֹ / וְאוֹתוֹת רַבּוֹת הוֹדִיעוֹ

וּמִצְרַיִם אָמְרוּ לְפַרְעֹה / לָמָּה תִשְׁמַע אֶת דִּבְרֵי אָדָם

תַּנִּין אֵיפֹה חֲכָמֶיךָ / אֲשֶׁר דָּרַשְׁתָּ מִיָּמֶיךָ

וְאֵיךְ יִצְדְּקוּ חַרְטֻמֶּיךָ / וְחָרָשִׁים הֵמָּה מֵאָדָם

אֵל אֱלֹהִים לְקָחַנִי / וּבְדֶרֶךְ אֱמֶת הִנְחַנִי

לְבַשֵּׂר עֲנָוִים שְׁלָחַנִי / נוֹרָא עֲלִילָה עַל בְּנֵי אָדָם

נוֹטֶה שָׁמַיִם לְבַדּוֹ / וְרוֹקֵעַ אַפְסֵי מְמַדּוֹ

שְׁאוֹל וַאֲבַדּוֹן נֶגְדּוֹ / אַף כִּי לִבּוֹת בְּנֵי אָדָם

יַעַמְדוּ נָא וְיוֹשִׁיעוּךָ / הַהוֹבְרִים קָדְקֹד יִרְעוּךָ

הֲלֹא בְלַהֲטֵיהֶם יַתְעוּךָ / אֲשֶׁר יַעֲשֶׂה אוֹתָם הָאָדָם

שִׁנֵּי רְשָׁעִים אֲשַׁבְּרָה / וְיָסַפְתִּי אוֹתָם לְיַסְּרָה

יְיָ לִי לֹא אִירָא / מַה יַּעֲשֶׂה לִי אָדָם

לָכֵן שִׁמְעָה דְּבָרִי / אַל תֹּאמַר לִי יְאוֹרִי

שַׁלַּח בְּנִי בְכוֹרִי / כִּי לַיְיָ עֵין אָדָם

מֵאֲנוּ תֵּת פִּדְיוֹם / עַד כִּי שְׁפָטָם אֵל אָיֹם

שְׁפָטִים אֲשֶׁר לֹא נִבְרְאוּ לְמִן הַיּוֹם / אֲשֶׁר בָּרָא אֱלֹהִים אָדָם

הִפִּיל צוּר פַּחְדּוֹ / וְגָאַל יִשְׂרָאֵל עַבְדּוֹ

יוֹדוּ לַיְיָ חַסְדּוֹ / וְנִפְלְאוֹתָיו לִבְנֵי אָדָם.