שׁוֹמְרוֹן קוֹל תִּתֵּן מְצָאוּנִי עֲווֹנָי

לְאֶרֶץ אַחֶרֶת יְצָאוּנִי בָנָי

וְאָהֳלִיבָה תִזְעַק נִשְׂרְפוּ אַרְמוֹנָי / וַתֹּאמֶר צִיּוֹן עֲזָבַנִי יְיָ

לֹא לָךְ אָהֳלִיבָה חֲשֹׁב עָנְיֵךְ כְּעָנְיִי

הֲתַמְשִׁילִי שִׁבְרֵךְ לְשִׁבְרִי וּלְחָלְיִי

אֲנִי אָהֳלָה סוּרָה בָּגַדְתִּי בְּקָשְׁיִי

וְקָם עָלַי כַּחְשִׁי וְעָנָה בִי מִרְיִי

וּלְמִקְצָת יָמִים שִׁלַּמְתִּי נִשְׁיִי

וְתִגְלַת פִּלְאֶסֶר אָכַל אֶת פִּרְיִי

חֲמוּדוֹתַי הִפְשִׁיט וְהִצִּיל אֶת עֶדְיִי

וְלַחֲלַח וּלְחָבוֹר נָשָׂא אֶת שִׁבְיִי

דֹּמִי אָהֳלִיבָה וְאַל תִּבְכִּי כְּבִכְיִי

אֲנִי נַדְתִּי לִרְחֹק וְדַי לִי זֹאת דַּיִּי / שְׁנוֹתַיִךְ אָרְכוּ וְלֹא אָרְכוּ שָׁנָי

מְשִׁיבָה אָהֳלִיבָה אֲנִי כֵן מָרַדְתִּי

וּבְאַלּוּף נְעוּרַי כְּאָהֳלָה בָּגַדְתִּי

דֹּמִי אָהֳלָה כִּי יְגוֹנִי פֻקַּדְתִּי

נָדַדְתְּ אַתְּ אַחַת וְרַבּוֹת נָדַדְתִּי

הִנֵּה בְיַד כַּשְׂדִּים פַּעֲמַיִם נִלְכַּדְתִּי

וּשְׁבִיָּה עֲנִיָּה לְבָבֶל יָרַדְתִּי

וְנִשְׂרַף הַהֵיכָל אֲשֶׁר בּוֹ נִכְבַּדְתִּי

וּלְשִׁבְעִים שָׁנָה בְּבָבֶל נִפְקַדְתִּי

וְשַׁבְתִּי לְצִיּוֹן עוֹד וְהֵיכָל יִסַּדְתִּי

גַּם זֹאת הַפַּעַם מְעַט לֹא עָמַדְתִּי

עַד לְקָחַנִי אֱדוֹם וְכִמְעַט אָבַדְתִּי / וְעַל כָּל הָאָרֶץ נָפוֹצוּ הֲמוֹנָי

הַחוֹמֵל עַל דַּל חֲמֹל עַל דַּלּוּתָם

וּרְאֵה שִׁפְלוּתָם וְאֹרֶךְ גָּלוּתָם

וְרוֹמֵם קַלּוּתָם וְהָקֵל סִבְלוּתָם

רְפָא נָא אֶת שִׁבְרָם וְאַתָּה אֱיָלוּתָם

חַדֵּשׁ יָמֵינוּ כִּימֵי קַָדְמוֹנַי / וְלֹא תֹאמַר צִיּוֹן עֲזָבַנִי יְיָ.