שִׁמְשִׁי עֲדֵי אָנָה תָּבוֹא וְלֹא תִזְרָח / שָׁרְשִׁי עֲדֵי מָתַי יִיבַשׁ וְלֹא יִפְרָח
לָכֶם אֲנִי אֶקְרָא דּוֹדַי וְאַשְׁבִּיעֲכֶם / נָא דַבְּרוּ לִפְנֵי דוֹדִי אֲשֶׁר בָּרָח
מַה לּוֹ גְעָלַנִי רֵעַ בְּעָלַנִי / מִיּוֹם עֲזָבַנִי לַיְלָה וְיוֹם אֶצְרָח
הִנֵּה בְקוֹל שַׁוְעִי אֶעְטֹף לְעֻמָּתוֹ / אוּלַי תְּחִנָּתִי דוֹדִי כְּמֹר יָרָח
חַסְדּוֹ יְצַוֶּה לִּי חַנּוּן וְרַב חֶסֶד / אִם אֵין צְדָקָה לִּי יִזְכֹּר בְּרִית אֶזְרָח
זִכְרִי אֲיֻמָּתִי זִכְרִי יְשׁוּעָתִי / הִשָּׁעֲנִי עָלַי מֵאֵין שְׂאֵת טֹרַח
קוּמִי אוֹרִי כִּי בָא אוֹרֵךְ אֲשֶׁר כָּבָה / וּכְבוֹד יְיָ בָּא וְעָלַיִךְ זָרָח.