אָמוּן בְּחֵיק אֵל אֵיךְ בְּאַשְׁפּוֹת שָׁכְבּוֹ
שַׁחַר לְבֵית אֵל קָם לְסַפֵּר עָצְבּוֹ
יָמָיו מַכְאוֹבִים וָכַעַס בְּקִרְבּוֹ / גַּם בַּלַּיְלָה לֹא שָׁכַב לִבּוֹ
שִׁחַר פָּנֶיךָ וּבִקֵּר מְעוֹנֶיךָ
בְּנָעָמְךָ לַחֲזוֹת וְאִם בְּחֹק דִּינֶיךָ
צָדָה לִבְזוֹת וּפָנָה [מֵעִמֶּךָ] / וְגַם לָזֹאת לֹא שָׁת לִבּוֹ
לְבִנְךָ הִקָּרֵה שׁוֹכֵן שַׁחַק
וְרוּחַ יֵעָרֶה לִפְדּוֹת נִדְחָק
וְאַפְּךָ אַל יֶחֱרֶה וְקִצְפְּךָ הַרְחֵק / וְאִם הָלַךְ אַחֲרֵי שְׁרִירוּת לִבּוֹ
מֶלֶךְ הוֹשִׁיעָה [לְעַמְּךָ] בְּקָרְאוֹ
כִּי מִכָּל רִשְׁעָה שָׁב אֶל בּוֹרְאוֹ
וְלִפְנֵי תְמִים דֵּעָה בְּזָכְרוֹ חֶטְאוֹ / נִחַם וַיִּתְעַצֵּב אֶל לִבּוֹ
הֵאָזֵר גְּבוּרָה אֵל רָם וְנִשָּׂא
רַחֵם עַם נִבְרָא וְעָלָיו חוּסָה
וְיַקְרִיב שַׁי מוֹרָא כֹּהֵן וְנָשָׂא / מִשְׁפַּט בְּנֵי יִשְׂרָאֵל עַל לִבּוֹ
קָטָן בִּנְתִיב דָּתְךָ לִדְרֹךְ יִבְחַר
עַל כֵּן לְתוֹךְ בֵּיתְךָ חֲצוֹת לַיִל שִׁחַר
[חָמְ]לָה וְאַל חֲמָתְךָ עָלָיו תֵּחַר / כִּי [לַ]עֲבוֹדָתְךָ נְדָבוֹ לִבּוֹ.