דְּעִי נַפְשִׁי אֲדוֹנַיִךְ / אֲשֶׁר יִגְמֹל עָלָיִךְ

אֲשֶׁר יָרִיב יְרִיבָיִךְ / אֲשֶׁר הִשְׁמִיד מְצוּקָיִךְ

אֲשֶׁר הֵמִית שְׂנוּאָיִךְ / אֲשֶׁר הֶחְיָה אֲהוּבָיִךְ

תְּהִי אַהְבַת אֱלֹהַיִךְ / מְמֻסֶּכֶת בְּדָמָיִךְ

יְקֻדַּשׁ בַּעֲצָמָיִךְ / יְבֹרַךְ תּוֹךְ קְרָבָיִךְ

וּפִתְחִי אֶת שְׂפָתָיִךְ / וְשִׁירִי לוֹ בְשִׁירָיִךְ

וְאָז יִשָּׂא פְשָׁעָיִךְ / וְגַם יִסְלַח חֲטָאָיִךְ

וְתַעַבְדִי אֲשֶׁר יַקְשִׁיב / בְּיוֹם זֶה לְשִׂיחָיִךְ

וְלוֹ תֹאמְרִי לְעוֹלְמֵי עַד / אֲנִי עֶבֶד עֲבָדָיִךְ.