שׁוֹכֵן עַד מֵאָז לְבַדֶּךָ / אֶחָד וְאֵין שֵׁנִי לְצִדֶּךָ
מְחֵה פְשָׁעַי בְּעָמְדִי נֶגְדֶּךָ / כִּי סָמַר בְּשָׂרִי מִפַּחְדֶּךָ
וְאַל תָּבוֹא בְמִשְׁפָּט אֶת עַבְדֶּךָ.
אִם תִּשְׁפֹּט גֶּבֶר בְּחֵטְא יֻחָם / תַּם עוֹפֶרֶת מֵאֵשׁ וּפֶחָם
וְאִם מוֹדֶה וְעוֹזֵב לֹא יְרֻחָם / מִי הוּא זֶה אֲשֶׁר יָשׁוּב וְנִחָם
עַל כֵּן לִבִּי אֲשֶׁר בְּקִרְבִּי חָם / בְּזֵכֶר גֹּדֶל חַסְדְּךָ יְרֻחָם
יָהּ אִם גָּדוֹל עֲווֹנִי מִנְּשֹׂא / גָּדוֹל מֵעַל שָׁמַיִם חַסְדֶּךָ.
אִם יֶחֱטָא אִישׁ לְאִישׁ בְּפִשְׁעֵהוּ / יָתֵר צַדִּיק מֵרֵעֵהוּ
וְאַף כִּי יוֹצֵר אֱנוֹשׁ וְרוֹעֵהוּ / אֲשֶׁר טֶרֶם בְּרָאוֹ וַיִּטָּעֵהוּ
הוּא יִסְלַח לְרִשְׁעֵהוּ / וְיֹאמַר מִשַּׁחַת פְּדָעֵהוּ
[לְחַטָּא]תְךָ מָצָאתִי כֹפֶר / אֲשֶׁר בּוֹ מִיַּד שְׁאוֹל אֶפְדֶּךָ.
צוּר מַקְדִּים אֲרוּכָה לְסָרָבִים / בְּטֶרֶם יָשִׂים רְכוּבוֹ עָבִים
עֵינָיו צוֹפוֹת רָעִים וְטוֹבִים / וְעַל סִפְרוֹ כֻּלָּם נִכְתָּבִים
אָנָּא רְפָא מְשׁוּבַת שׁוֹבָבִים / כִּי גֵרִים אֲנַחְנוּ וְתוֹשָׁבִים
כִּי צֵל יָמֵינוּ עֲלֵי אָרֶץ / וְחֶלְדֵּנוּ כְאַיִן נֶגְדֶּךָ.