הֲלִינוֹתִי גְדוּד כָּבֵד בְּבִירָה / הֲרָסוּהָ, יְמֵי קֶדֶם, קְצִינִים,
וְיָשַׁנּוּ עֲלֵי גַבָּהּ וְצִדָּהּ, / וְתַחְתֵּינוּ בְּעָלֶיהָ יְשֵׁנִים.
וְדִבַּרְתִּי לְלִבִּי: ״אֵי קְהָלִים / וְעַמִּים, שָׁכְנוּ בָזֹאת לְפָנִים?
וְאֵי בוֹנִים וּמַחֲרִיבִים, וְשָׂרִים / וְדַלִּים, וַעֲבָדִים וַאֲדוֹנִים,
וּמוֹלִידִים וְשַׁכּוּלִים, וְאָבוֹת / וּבָנִים, וַאֲבֵלִים וַחֲתָנִים,
וְעַם רַב נוֹלְדוּ אַחַר אֲחֵרִים / בְּיָמִים אַחֲרֵי יָמִים וְשָׁנִים,
וְהָיוּ עַל פְּנֵי אֶרֶץ שְׁכֵנִים – / וְהֵם הַיּוֹם בְּלֵב אֶרֶץ שְׁכוּנִים!
וְקֶבֶר חָלְפוּ מֵאַרְמְנוֹתָם / וְעָפָר מֵחֲצֵרִים נַעֲמָנִים,
וְאִלּוּ הֶעֱלוּ רֹאשָׁם וְיָצְאוּ – / שְׁלָלוּנוּ נְפָשִׁים וַעֲדָנִים.
אֱמֶת, נַפְשִׁי, אֱמֶת, כָּהֵם לְמָחָר / אֱהִי אָנִי וְאֵלֶּה הַהֲמוֹנִים״.