לוגו
רטז. [אלי ביום]
פרק:
מיקום ביצירה:
0%
X
F
U

אֵלִי, בְּיוֹם חִילִי לְךָ אוֹחִילָה / וּבְיוֹם גְאֻלָּתִי בְּךָ אָגִילָה.

מִבְטָח לְכָל קַצְוֵי אֲרָצוֹת, הַצֵּל / עַבְדָּךְ אֲשֶׁר בָּטַח בְּךָ, הַצִּילָה!

אַל נָא תְשִׂימֵנִי לְמִפְגָּע לָךְ, אִם / אֶפְשַׁע, וְאִם אֶרְשַׁע, וְאִם אַגְדִּילָה

הֵן בַּחֲרוֹתָךְ לֹא יְכִילוּן גּוֹיִים / זַעְמָךְ — וְאֵיכָה זַעֲמָךְ אָכִילָה?

אִם אֶעֱמֹד לָךְ עָמְדִי, אוֹ שִׁבְתִּי / אֵשֵׁב, וְאִם אַיְמִין, וְאִם אַשְׁמִילָה,

אוֹ אֶחֱטָא — מַה פָּעֲלָה רִמָּה לֹא / שָׂכְלָה, וְתוֹלַעַת עֲשׂה הִסְכִּילָה?

הִנֵּה לְךָ אֶרֶץ, לְךָ שָׁמַיִם — / מַה זֶּה אֲנִי בָהֶם וּמָה אוֹעִילָה?

מָוֶת תְּשִׁיבֵנִי, כְּכָל נִבְרָאִים / הָיוּ וְיִהְיוּ לַעֲדֵי עַד סֶלָה.