אִם רַב עֲוֹנִי / ר' משה אבן עזרא

אִם רַב עֲוֹנִי אֶנְשֶּׁנּוּ     וְאָמַרְתִּי לֹא אֶזְכְּרֶנּוּ

מָה אֶעֱשֶׂה כִּי יָקוּם אֵל     וְכִי יִפְקֹד מָה אֲשִּׁיבֶנּוּ   איו' לא, יד

מַה לִּי בְּתֵבֵל אֲהַבְתִּיהוּ     וּמָחָר בְּנָסְעִי עֲזַבְתִּיהוּ

וּמַשָּׂא כָבֵד עֲשִׂיתִיהוּ      אִם לֹא עַל שִׁכְמִי אֶשָּׂאֶנּוּ:   איו' לא, לד

שֹׁמּוּ פוֹשְׁעִים לְיוֹם קוּמוֹ     כִּי לֹא תוּכְלוּן שֵׂאת זַעֲמוֹ

כִּי גָּדוֹל וְרָב יוֹמוֹ     וְנוֹרָא מְאֹד וּמִי יְכִילֶנּוּ:   יוא' ב, יא

הַלְעוֹלָמִים אֲסוּר שֶׁבֶר יֶהֱמֶה:     אֲנִי הוּא הַגֶּבֶר –

נוֹשֵׂא מַחֲלַת שֶׁבֶר     אַךְ זֶה חֳלִי וְאֶשָּׂאֶנּוּ?    ירמ' י, יט

מֶה לִידִידִי יְרִיבֵנִי -     וּמָחָר כְּקֶדֶם יְשִׁיבֵנִי

נְגִידִי יַקְרִיבֵנִי     וּכְמוֹ נָגִיד אֲקָרְבֶנּוּ:   איו' לא, לז

חִישׁ יִשְׁעִי וְעֵת לָשֵׂאת      עֲוֹן הָעֵדָה הַחֹטֵאת

בָּעֵת הַהִיא יְבֻקַּשׁ אֶת     עֲוֹן יִשְׂרָאֵל וְאֵינֶנּוּ:     ירמ' ו, כ