אֶל אֵל קָדוֹשׁ חַי נִבְדָּל / אָרִיד עַל שִׂיחִי וְנִירִי
יָשִׁיב יִשְׂרָאֵל וִיהוּדָה / מַלְכִּי וּכְרוּבִי וְנֵרִי
בַּשִּׁבְיָה עָבַר חֲרוֹנָךְ / וּכְפִירִים גָּבְרוּ עֲלֵי שֶׂה
תּוֹחִיל בּוֹא עִתּוֹת רְצוֹנָךְ / וַתִּצְעַק: כַּמָּה תְנַסֶּה
תִּתְנַפֵּל לִפְנֵי אֲרוֹנָךְ / אֶרֶץ אַל דָּמִי תְּכַסֶּה
תּוֹשִׁיעַ עַם עָנִי וְגַם דָּל / וּפְדֵם מֵאֱדוֹמִי וְהַגְרִי
הָיִיתִי לָהֶם לְנִדָּה / נֵצַח לֹא נִרְפָּא מְזוֹרִי
נָאוֹר בִּירָה אַל תְּחַלֵּל / תַּחַת מַכְעִיסַי וּמוֹנָי
צָר עַל עַם קֹדֶשׁ מְסוֹלֵל / יָפוּצוּ הֵם מֵעַל פָּנָי
אִם תּוֹצִיא יָקָר מִזּוֹלֵל / כִּימֵי קֶדֶם עַל הַר סִינָי
תָּמִיד יוֹנַקְתּוֹ לֹא תֶחְדָּל / לֹא יַעֲבָר בָּהּ נָכְרִי
אַבִּיעָה מָשָׁל וְחִידָה / לָעַד תּוֹךְ קָדְשִׁי וְעִירִי
רוֹפֵא לִשְׁבוּרִי לֵב וְרוֹהִים / יִפְתַּח מוֹסְרוֹת אֲסִירוֹ
וִינַהֵל שֶׂה תִּצְעַק וְתָהִים / וִיאַסֵּף נִדְחֵי עֶדְרוֹ
עֵינֵיהֶם קָמוּ וְכֵהִים / בַּגּוֹלָה חָשַׁךְ הֲדָרוֹ
וְיָחִילוּ כָּל רֹאשׁ מִגְדָּל / כַּמָּה לֹא נָמֵס אֲסוּרִי
עַל זֹאת אֶפְעֶה כַיּוֹלֵדָה / כִּי מֵאַיִן יָבוֹא עֶזְרִי
הֵן עִתּוֹת דּוֹדִים נִשְׁאָלִים / לִפְקֹד צֹאן הַנַּהֲלָאוֹת
כִּי בָא מוֹעֵד לֹא אַעְלִים / מֵחֶזְיוֹן קֵץ הַפְּלָאוֹת
לַמָּרוֹם אָשִׂים שְׁפָלִים / אֲנִי אֱלֹהֵי הַצְּבָאוֹת
כֹּחִי בִקְדֻשָּׁתִי יִגְדָּל / אַצְמִיחַ יִשְׁעִי וְאוֹרִי
יָשִׂישׂוּ קָהָל וְעֵדָה / לָבֶטַח יִשְׁכֹּן חֲצֵרִי.