נְשָׂאוּךָ תְּמוֹל חַדְרֵי לְבָבִי / וְהַיּוֹם זִכְרְךָ מַשָּׂא לְנִיבִי
וּפַלָּצוּת אֲחָזַתְנִי וְצִירִים / בְּעֵת כִּי תַעֲלֶה עַל מַחֲשָׁבִי
עֲדֵי כִי אֵשׁ תְּסֻבֵּנִי כְּחֶשְׁבּוֹן / וְלֶהָבַָה תְּלַהֵט כָּל סְבִיבִי
בְּמֵי דִמְעִי אֲכַבֶּה אֵשׁ קְרָבַי / בְּכָל רֶגַע וְלֹא יִכְבֶּה שְׁבִיבִי
בְּיַעַן כִּי אֲנִי כַיּוֹם מְאֹד רַד / וְלֹא תַעַן וְלֹא תַקְשִׁיב לְאָבִי
וְחִפַּשְׂתִּי בְּמוֹעֵצוֹת לְבָבִי / וְכִלְיוֹתַי וְכָל טָעוּן בְּחֻבִּי
וְלֹא אֶמְצָא בְּכֻלָּם חֵטְא וְאַשְׁמָה / וְלֹא עָווֹן וְהִנֶּנִי עֲנוּ בִי
וְהַבִּיטָה אֱלֵי מַחְצַב מְקוֹרִי / הֲתִמְצָא סִיג בְּמִבְחַן מַחֲצָבִי
וְאֵיךְ לֹא יִהֲיֶה עָנָף כְּשֹׁרֶשׁ / וְתוֹסִיף עַל בְּנֵי אֵם נִחֲרוּ בִי
הֲלֹא אָנִי אֲלַמֶּדְךָ לְהוֹעִיל / אֲהַדֶּרְךָ בְּרֵאשִׁית כָּל כְּתָבַי
וְרַבִּים הָלְכוּ בִּנְתִיב דְּרָכַי / נְתִיב יֹשֶׁר וְלֹא עִוּוּ נְתִיבִי
וְאֵיךְ תִּמְאַס בְּתוֹכַחְתִּי וְתִשְׁכַּח / עֲמָלִי עִמְּךָ שַׁחְרִי וְעַרְבִּי
וְאָבִיךָ אֲנִי אַיֵּה כְבוֹדִי / עֲשֵׂה נָא לִי כְמִפְעָלִי לְאָבִי
וְאֵין לִי מָעֳמָד כִּיקַר אֲבוֹתַי / זְמָן בָּזַז לְכַסְפִּי עִם זְהָבִי
וְנִשְׁאַרְתִּי בְּלִי מָגֵן וְצִנָּה / וְעַל זֹאת יֶהֱמֶה לִבִּי בְּקִרְבִּי
וְתִבְחַר מַחֲנָק נַפְשִׁי בְּקִצְפִּי / הֲלָנֶצַח יְהֶא אָנוּשׁ כְּאֵבִי
וּבָדָד אֵשְׁבָה מַחְשִׁיךְ וְנַפְשִׁי / קְדוֹרַנִּית וְלֹא יַהֵל עֲרָבִי
וּמַה תּוֹחִיל לְמֵתִים בַּחֲיוֹתָם / כְּמוֹתִי יִהְיֶה צָרִי וְאוֹיְבִי
וְלוּלֵי רַחֲמֵי אֵל קִדְּמוּנִי / חֲצוֹת לַיְלָה יִזְּלוּ גִּשְׁמֵי רְבִיבִי
וְאֶתְעַנַּג בְּבָתֵי הַתְּבוּנוֹת / וְאֶשְׁכַּח מַעֲנֵה עָנְיִי וְעָצְבִּי
אֲזַי גָּדַל כְּאֵב לִבִּי וְנִמְרַץ / וְלֹא יוּכַל פְּרֹשׂ כָּנָף כְּרוּבִי
וְעַתָּה אָזְנְךָ שִׁמְעָה לְמִלַּי / אֲקַו תִּהְיֶה כְּמוֹ נֵר מַעֲרָבִי
בְּטֶרֶם אֶלְטְשָׁה תַעַר לְשׁוֹנִי / לְעֻמָּתָךְ וְהִיא קַשְׁתִּי וְחַרְבִּי
וְלָאֵל אֶזְעָקָה לַשְׁמִיד מְשַׂנְאִי / אֲשֶׁר אָמַר לְמוֹ צוּלָה חֳרָבִי
וְלוֹ אֶכְרַע שְׁחָרִים וַעֲרָבִים / יְנַהֲלֵנִי וְיָרִיב אֶת יְרִיבִי.