אֹמַר לַאדֹנָי מַחְסִי / ר' משה אבן עזרא
סימן: משה
אֹמַר לַאדֹנָי מַחְסִי צוּר מִשְׂגַּבִּי וּמְנוּסִי
הוּא מְנַת חֶלְקִי וְכוֹסִי שְׁמוֹ נִקְרָא אֲדֹנָי נִסִּי
נַפְשִׁי תַעֲרֹג אֵלֶיךָ: תה' מב, ב
מֵאָז מִצּוּר חֲצַבְתַּנִי וּלְעָבְדְךָ קֵרַבְתַּנִי
בְּרָעָב לֹא הִרְעַבְתַּנִי וּבַשָּׂבָע לֹא עֲזַבְתַּנִי
עָלֶיךָ יַעֲזֹב חַלֶכָה: שם י, יד
שֶׁמֶן וּדְבָשׁ וְסֹלֶת שַׂמְתָּ לְבֵיתִי מַכֹּלֶת
בִּמְקוֹם אֵין אוֹן וִיכֹלֶת מְקוֹם מָוֶת וּמְשַׁכֶּלֶת
טוֹבָתִי בַּל עָלֶיךָ: שם טז, ב
הֱבִיאַנִי הַמֶּלֶךְ חֲדָרָיו וְהִשְׁמִיעַנִי צוּף אֲמָרָיו
נַפְשִׁי יָצְאָה בִּדְבָרָיו וְהֶחֱיַנִי בְטַל מִמְּזָרָיו
כִּי טַל אוֹרֹת טַלֶּךָ: ישע' כו, יט