לְאִישׁ כָּמוֹנִי רִשְׁעִי / וְצִדְקָתִי לְבֶן־אָדָם –
וְאִם אֶצְדַּק לְפָנֶיךָ, / יוֹצֵר יְצוּרִים וְרוֹדָם?
מַה מִּיָּדִי תִקַּח? / וַאֲנִי בָשָׂר וָדָם!
חָטָאתִי – מָה אֶפְעַל / לָךְ, נוֹצֵר הָאָדָם?
בְּשָׂרִי כָחַשׁ וּבִרְכַּי / כָּשְׁלוּ וְכֹחַ אֵין בִּי,
בַּהֲגִיגִי תִבְעַר אֵשׁ / וְלִבִּי יָחִיל בְּקִרְבִּי,
בְּזָכְרִי אֶת עֲווֹנוֹתַי / אֲשֶׁר טָמַנְתִּי בְחֻבִּי,
וְאִם אֲכַסֵּם מִיצוּרִים – / הֲלֹא נִגְלָה לְךָ סוֹדָם!
כִּי אַתָּה יָדַעְתָּ / אֶת לֵב בְּנֵי הָאָדָם.
רְצוֹן נַפְשִׁי עָשִׂיתִי / וּבִשְׁרִירוּת הָלַכְתִּי
וְהַיֵּצֶר הָרַע עַל / יֵצֶר טוֹב הִמְלַכְתִּי
וּמֵבִין שְעִפֵּי לְבָבִי / אַחֲרֵי גֵו הִשְׁלַכְתִּי.
אֲהָהּ לִי עַל יוֹם מִפְקַד / כָּל הַיְּצוּר וּמַעְבָּדָם,
יוֹם מְהוּמָה וּמְבוּכָה, / יוֹם בּוֹ עַנּוֹת אָדָם!
יוֹם עֲווֹנִי קָם בְּפָנַי – / כְּלִמָּתִי כִסַּתְנִי,
וּבָאתִי לְהִתְוַדּוֹת חֵטְא / אֲשֶׁר בּוֹ אֵם יֶחֱמַתְנִי.
פְּצֵנִי אֵל מִמְּצוּלָה / וְשִׁבֹּלֶת שְׁטָפַתְנִי
וְהַלְבֵּן כְּשֶׁלֶג עֲווֹנִי / אֲשֶׁר כַּתּוֹלָע מְאָדָּם
וְאַל תָּמֹד כְּמִפְעָלִי – / כִּי מַה יִּתְרוֹן לָאָדָם?